काठमाडौं, ७ वैशाख– इन्डियन प्रिमियर लिग (आईपीएल) क्रिकेट अन्तर्गत बिहीबार राति भएको खेलमा किङ्स इलेभन पञ्जावले सनराइजर्स हैदराबादलाई १५ रनले पराजित गरेको छ । क्रिस गेलले विस्फोक व्याटिङ गर्दै सतक बनाउँदै पञ्जावलाई जित दिलाए ।

पञ्जावले ३ विकेटको क्षतिमा १९३ रन बनायो । गेलले ५८ बलको सामना गर्दै सतक पुरा गरे । आईपीएलमा छैटौँ सतक ठोक्ने क्रममा गेलले सनराइजर्स हैदरबादका रसिद खानमाथि लगातार चार छक्का समेत हाने । 

जवाफी ब्याटिङमा आएको हैदराबाद चार विकेटको क्षतिमा  १७८ रनमा समेटिएपछि पञ्जावले महत्वपूर्ण जित दर्ता गरायो । हैदराबादका लागि मनिष पाण्डेले ५७ र सकिब अल हसनले २४ रनको योगदान दिए । 

तेस्रो जित हात पार्दै पञ्वावको लिग तालिकामा ६ अंकसहित तेस्रो स्थानमा छ । हैदराबाद पनि समान अंकसहित दोस्रो स्थानमा छ ।