काठमाडौं, ७ वैशाख– इंग्लिस प्रिमियर लिग फुटबल अन्तर्गत बिहीबार राति भएको खेलमा जित निकाल्दै चेल्सीले शीर्ष चारमा उक्लिने सम्भावना कायम राखेको छ ।

अवे मैदानमा भएको खेलमा बर्नलीका केविन लङ्गले गरेको आत्मघाती गोलले चेल्सीको जित सहज भयो । चेल्सीले बर्नलीलाई २–१ ले हराएको हो । 

चेल्सीको जितमा भिक्टर मोसिसले एक गोल गरे भने बर्नलीका लागि उस्ली बार्नेसले गोल गरे ।

जितपछि पाँचौँ स्थानमा रहेको चेल्सीको लिगका चार खेल बाँकी हुँदा ६३ अंक भएको छ र उ चौथो स्थानको टोटनह्याम भन्दा पाँच अंकले पछि रहेको छ । ५२ अंकसहित बर्नली सातौँ स्थानमा छ ।

राति नै भएको अर्को खेलमा लेस्टर सिटी र साउथह्याम्पटनले गोल रहित बराबरी खेलेका छन् ।