काठमाडौं, ७ वैशाख– मालिन्दो एयरको जहाज धावन मार्गमा भासिएपछि अवरुद्ध बनेको त्रिभुवन अन्तर्राष्ट्रिय विमानस्थलको आन्तरिक उडान शुरु भएको छ । तर, अन्तर्राष्ट्रिय उडान भने दिउँसो १२ बजेसम्म शुरु नहुने बताइएको छ । 

धावन मार्गमा भासिएको जहाज नहटाएसम्म अन्तर्राष्ट्रिय उडान नहुने भएको हो । बिहीबार राति ९ः४५ बजे काठमाडौंबाट मलेसियाको क्वालालम्पुरका लागि उड्न खोजेको जहाज धावनमार्ग छाडेर चौरतिर भासिएको थियो । 

जहाज भासिएपछि अन्तर्राष्ट्रिय र आन्तरकि दुवै उडान प्रभावित भएका थिए । धावन मार्गमा धस्सिएको जहाज हटाउने प्रयास भइरहेकाले छ । अनियन्त्रित जहाज धावनमार्ग सकिएपछि पनि १३० फिट दक्षिण पुगेर जोतिएको थियो ।

विदेशबाट यात्री लिएर आएका विमानहरु फर्काइएका छन् ।