×

NMB BANK
NIC ASIA

लोकान्तर खोज

असई थमन विक हत्या प्रकरण : सांसददेखि मेयरसम्मलाई पक्राउ गर्न अदालतको ताकेता !

बैशाख ७, २०७५

NTC
Sarbottam
Premier Steels
Marvel

जनकपुरधाम, ७ वैशाख– सशस्त्र प्रहरीका असई थमन विक हत्या प्रकरणमा नयाँ मोड देखा परेको छ । फरार प्रतिवादीहरू सार्वजनिक पद धारण गरी खुलेआम हिँडिरहेको अवस्थामा उच्च अदालत जनकपुरले जिल्ला प्रहरी कार्यालय महोत्तरीको नाममा कारण देखाउ आदेश जारी गरेपछि घटानले नयाँ मोड लिएको हो ।

Sagarmatha Cement
Muktinath Bank

२९ चैत २०७४ मा उच्च अदालत जनकपुरका न्यायाधीश रमेशकुमार खत्रीको इजलासले जिल्ला प्रहरी कार्यालय महोत्तरीलाई १५ दिनभित्र सरकारी वकिलको कार्यालय जनकपुरमार्फत् लिखित जवाफ पेश गर्न परमादेश जारी गरेको छ ।


Advertisment
RMC TANSEN
IME BANK INNEWS
shivam ISLAND

असई विककी श्रीमती शोभा गहतराजले २८ चैतमा जिल्ला प्रहरी कार्यालय र त्यस कार्यालय प्रमुखलाई विपक्षी बनाउँदै परमादेशको मागसहित उच्च अदालतमा निवेदन दिएकी थिइन् । केही प्रतिवादीहरू महोत्तरी जिल्ला अदालतको आदेशबाट जलेश्वर कारागारमा थुनामा रहेको भए पनि बाँकी प्रतिवादीलाई अदालतले पक्राउ पुर्जी जारी गरेकोमा प्रहरीले पक्राउ नगरिरहेको भन्दै उनले निवेदन दिएकी थिइन् ।


Advertisment
SBL

फरार प्रतिवादीमध्ये शंकर शाही भनिने रामशंकर मिश्र जलेश्वर नगरपालिकाको मेयर, अभिराम शर्मा महोत्तरी ३ (१) बाट प्रदेश सभामा सांसदमा निर्वाचित भई सार्वजनिक पद धारण गरिरहेका छन् ।

Vianet communication
Laxmi Bank

प्रतिवादीहरूलाई पक्राउ गरी अदालतमा बुझाउनु पर्नेमा सो नगरी प्रहरी चुपचाप बसेर निष्क्रिय भएको गहतराजले दिएको निवेदनमा उल्लेख छ ।

जिल्ला प्रहरी कार्यालय महोत्तरीमा गएर पटक–पटक अनुरोध गर्दा पनि हालसम्म पक्राउ नगरी कानूनको दायरामा नल्याएर आफूलाई झन् अन्याय भइरहेको भन्दै उनले उच्च अदालतमा निवेदन दिएकी थिइन् । सोही मुद्दाको सुनुवाई गर्दै अदालतले कारण देखाउ आदेश जारी गरेको हो ।

मधेस आन्दोलनका क्रममा आन्दोलनकारीहरूको कुटाइबाट मृत्यु भएका असई विकको घटनामा प्रतिवादी बनाइएका राजपा नेपालका नेताहरूमध्ये कोही प्रदेशसभा सदस्य र मेयर बनेका छन् ।

असई विक हत्याका आरोपी देवेन्द्र यादव भने प्रतिनिधिसभा सदस्यमा उम्मेदवार बनेर पराजित भएका थिए । विगतमा राजपा नेपालमा आवद्ध भए पनि टिकट नपाएपछि उनले महोत्तरी ४ बाट बागी उम्मेदवारी दिएका थिए ।
अदालतको आदेशपछि पनि पक्राउ गर्न आनाकानी गरिरहेको प्रहरीलाई अब उनीहरूलाई जसरी पनि पक्राउ गर्न दबाब परेको छ ।

माथि उल्लिखित प्रतिवादीहरूले भने मधेस आन्दोलनका क्रममा राजनीतिक आस्थाका आधारमा आफूहरूमाथि झुठा मुद्दा लगाइएको भन्दै त्यसलाई फिर्ता लिनुपर्ने बताउँदै आएका छन् ।

मधेस आन्दोलनका दौरान २५ भदौ २०७२ का दिन महोत्तरीको जलेश्वरमा कार्यरत सशस्त्र प्रहरीका असई थमन विकको आन्दोलनकारीहरूले हत्या गरेको भन्दै महोत्तरी जिल्ला अदालतमा दायर मुद्दा विचाराधीन छ । घटनामा संलग्न भएको आरोपमा महोत्तरी प्रहरीले तत्काल ३ जनालाई पक्राउ गरेको थियो, करीब २ दर्जन प्रतिवादीहरू फरार रहेको प्रहरीले बताएको थियो । निर्वाचित जनप्रतिवादी अभिराम शर्मा र कौशलकुमार यादवलाई पनि उक्त घटनाको प्रतिवादी बनाइएको थियो  । महोत्तरी प्रहरीका अनुसार ती प्रतिवादीहरू हालसम्म फरार छन् ।

प्रहरीले उक्त घटनामा जलेश्वर–६ का रमेशप्रसाद साह, जलेश्वर–२ का सतिनन्द चौधरी, राजा चौधरी, नरेश साह, राम राजा साह, हरिओम कुमार भगत, बिक्की साह, जलेश्वर–१ का चन्देश्वर साह मेहतरी, गोलु साह, रवीन्द्र राम चमार, रञ्जित साह, जलेश्वर–१३ का देवेन्द्र चौधरी, जलेश्वर–१७ का पवन कापर, जलेश्वर–५ का अनिल ठाकुर, फूलहटा परकौली–५ का फूले यादव, महोत्तरी अनैठाका रोहितकुमार शर्मा, लालबाबु विन, भटौलिया २ का शम्भु साह, सोनमा ३ का देवेन्द्र यादव, खैरवनी–६ का कौशलकुमार यादव, निगौल– ५ लक्ष्मी महतो, अन्कार–९ का अभिराम शर्मा, पर्सा पतैलीका धर्मेन्द्र राय, पिगौना–५ का शंकर शाही भन्ने रामशंकर मिश्र र सुगा भवानीपट्टीका सुरेश पाण्डेलाई समेत अभियुक्त बनाइएको छ ।

फरार रहेकाहरूमध्ये देवेन्द्र यादव विगतमा सद्भावना पार्टीका केन्द्रीय सह–महासचिव, सुरेश पाण्डे तराई मधेस सदभावना पार्टीका केन्द्रीय सदस्य, अभिराम शर्मा महोत्तरी तमलोपाका अध्यक्ष, धर्मेन्द्र राय सद्भावना महोत्तरीका सचिव, कौशलकुमार यादव संघीय समाजवादी फोरमका केन्द्रीय सदस्य, अनिल ठाकुर तमसपाका महोत्तरी सदस्य र लक्ष्मी महतो सदभावनाका केन्द्रीय सदस्य थिए । ती सबै नेताहरू अहिले राजपा नेपालमा आबद्ध छन् ।

घटना सम्बन्धमा महोत्तरीका तत्कालीन डीएसपी रेग्मीको प्रतिवेदन

असई थमनको हत्याको सन्दर्भमा जिल्ला प्रहरी कार्यालयका प्रहरी नायव उपरीक्षक राजेन्द्र बाबु रेग्मीले दिएको प्रतिवेदन अनुसार गत भदौ २५ गते अन्दाजी साढे ८ बजेको समयमा बाँके कचनापुर गाविस वडा नं. ५ घर भई सीमा सुरक्षा कार्यालयको जलसागर महोत्तरीमा दरबन्दी रही सशस्त्र प्रहरी बल जिल्ला कमाण्ड पोस्ट सुरक्षा बेसक्याम्प जलेश्वर महोत्तरीमा कार्यरत सशस्त्र प्रहरी सहायक निरीक्षक थमन विकलाई मधेसी मोर्चाका कार्यकर्ताहरूले नियन्त्रणमा लिई लाठी, भाटा, लात्ती, मुक्कासमेतले कुटपिट गरी गम्भीर घाइते बनाएका थिए ।

उक्त खबर प्राप्त भएपश्चात जिल्ला प्रहरी कार्यालयबाट प्रहरी निरीक्षकको समेतको टोली घटनास्थलमा खटी विकलाई उद्धार गरी प्रहरी टोलीले उपचारका लागि जिल्ला अस्पताल जलेश्वरमा पु¥याइ सशस्त्र प्रहरी बल सीमा सुरक्षा कार्यालय महोत्तरीमा जानकारी गराएका थिए । घाइते विकलाई जिल्ला अस्पताल जलेश्वरमा प्रारम्भिक उपचारपछि अञ्चल अस्पताल जनकपुर रिफर गरियो ।
सशस्त्र प्रहरी बल जिल्ला कमाण्ड पोस्ट सुरक्षा बेस महोत्तरीले जिल्ला अस्पतालको एम्बुलेन्समा कुरुवाहरू सशस्त्र प्रहरी जवान राजकुमार झा, अस्पतालका कर्मचारी र सहयोगीसहित ५ जनाको साथमा विकलाई जनकपुरतर्फ पठायो ।

अन्दाजी ११ बजेको समयमा जलेश्वर पिपरा हुँदै जनकपुर जाने हाइवेको बाटोबाट गाडी पठाइयो । तर उक्त बाटोमा अस्पताल आसपासबाट ९÷१० वटा मोटरसाइकलमा एक समूहले पिछा गर्न थाल्यो । प्रकौली पुग्दा चोकमा काठ तेस्र्याएर बाटो अवरुद्ध गरिएको थियो । त्यसलाई छलेर सडक छेउबाट एम्बुलेन्स अघि बढाउने क्रममा सो समूहले ढुंगामुढा गर्न थाल्यो । एम्बुलेनस रोकिएन, अघि बढिरह्यो ।

अघि बढ्दै भ्रमरपुरा गाउँतर्फ जानेक्रममा बाटोमा ह्यूम पाइप हालेको बाटो आयो, त्यहाँबाट एम्बुलेन्स अघि बढाउन सफल भएन । पिछा गर्ने मधेसी दलका कार्यकर्तालाई छल्दै जाने क्रममा एम्बुलेन्स सो बाटोमा पुगेको थियो ।
त्यहाँबाट एम्बुलेन्स अघि बढ्न नसकेपछि चालक सुशील मिश्र, अस्पतालका कर्मचारी सियाराम पासवान, सहयोगी पप्पु साह र कुरुवाका लागि खटिएका सशस्त्र प्रहरी जवान राजकुमार झा समेत चारै जना डराए ।

सबै भागेपछि घाइते प्रहरी जवान विक पनि डराए । उनी पनि गाडीबाट उत्रिएर भाग्न खोजे । त्यसपछि भीडले पुलिस भाग्यो, मार्नुपर्छ भनी ५०÷६० जना जम्मा भएर निर्ममतापूर्वक कुटपीट र धारिलो हतियार प्रहार गरी हत्या गरे । भागेका प्रहरी जवान झालाई भने स्थानीय एक व्यक्तिले लुकाएर आन्दोलनकारीबाट बचाए ।

प्रहरीले विश्लेषण गरेको फोन कल विवरण

महोत्तरी प्रहरीले आफ्नो अनुसन्धानका क्रममा प्रतिवादीहरूको फोन कल विवरण, लोकेसन समेतलाई पहिचान गरी विश्लेषण चार्टसँगै प्रतिवादी अनिल ठाकुरको भ्वाइस रेकर्डलाई प्रमुख प्रमाणका रूपमा अदालतमा पेश गरेको छ । 

त्यसैगरी घटनास्थल महोत्तरी जलेश्वर नगरपालिका वडा नम्बर ४ स्थित र अर्को घटनास्थल महोत्तरी वडा नम्बर ८ सनोखडा स्थित धानको खेतबाट बरामद भएका लाठी, फाठा बाँसको, काठको टुक्राहरू, बोतलहरू, बोतलका टुक्राहरू, अडियो र भिजुअल चक्कालाई समेत प्रमाणको रूपमा पेश गरेको छ । त्यसैगरी घटनास्थल मुचुल्का, लासको प्रकृति मुचुल्का, सशस्त्र प्रहरी बल सीमा सुरक्षा कार्यालय महोत्तरीको पत्र, मृतकका भाइ प्रेमबहादुर विकको जाहेरी दरखास्त, शव परीक्षण प्रतिवेदन, साक्षीहरू सशस्त्र प्रहरी जवान राजकुमार झा, पप्पुकुमार साह, सियाराम पासवान, सुशील मिश्र आदिले गरेको घटना विवरण कागजलाई आधार बनाएको छ ।

सशस्त्र प्रहरी असई विकको हत्या भएको ज्यान मुद्दामा महोत्तरी प्रहरीले विभिन्न प्रतिवादीहरूको फोन कल विवरण समेत प्रस्तुत गरी हत्या गर्ने कार्यमा संलग्न रहेको दाबी गरेको छ । प्रतिवादी रमेश साहको मोबाइल नम्बरको विश्लेषण गर्दै घटना भएको मितिमा बिहान १०ः२० देखि १५ः२६ सम्म मोबाइलमा कुनै सम्पर्क नभएको तथा मृतक थमन विकलाई फलो गरी कर्तव्य गरी मार्नमा संलग्न रहेको दाबी गरेको छ ।

त्यसैगरी अर्का प्रतिवादी शंकर साही भनिने रामाशंकर मिश्रको मोबाइल नम्बरको विश्लेषण गर्दै घटना मितिको ११ः०३ देखि १२ः०५ सम्मको लोकेसन घटनास्थलमै रहेको देखिएको हुनाले निजकै नेतृत्वमा घटना भएको प्रहरीको दाबी छ ।

त्यसैगरी प्रतिवादी अनिल ठाकुरको मोबाइल नम्बरको विश्लेषणबाट घटना मितिको ११ः१० देखि सम्पर्कमा नरही एकैचोटी १२ः२२ बजेमा भिठ्ठामोडमा पुगेको हुनाले मृतकलाई फलोगरी कर्तव्य गरी मार्नमा संलग्न रहेको प्रहरीले दाबी गरेको छ । त्यसैगरी प्रतिवादी सुरेश पाण्डेको मोबाइल नम्बरको विश्लेषण गर्दा घटना मितिको ११ बजेदेखि १२ः१० बजेसम्म बारदात स्थलको मोबाइलको टावर लोकेसनमा रहेको र अर्का प्रतिवादी अभिराम शर्माको मोबाइलसँग पटक–पटक सम्पर्क भएको दाबी गरिएको छ ।

अर्को प्रतिवादी अभिराम शर्माको मोबाइल नम्बरको विश्लेषण गर्दैै उक्त मोबाइल घटना भएको मितिको १०ः२४ देखि १२ः२९ सम्म घटनास्थलकै मोबाइल टावर लोकेसनमा रहेको बताइएको छ । प्रतिवादी धर्मेन्द्र रायको मोबाइल नम्बरको विश्लेषण गर्दा घटना वारदात मिति समयमा निजको मोबाइल नम्बरको टावर लोकेसन पनि मिलेको आधारमा प्रहरीले अभियुक्त बनाएको छ ।

घटना भएको दिन बिहान अन्दाजी ८ः३० को समयमा विकलाई कुटपीट गरेको भिजुअल रेकर्डसमेत हेर्दा सञ्जयकुमार साह, प्रदीप साह माझी, बिक्की साह, रामराजा साह, गोलु साह, हरिओम भगत, रवीन्द्र राम चमार र रञ्जित साहको भिजुअल फोटो सनाखत भएको तथा अन्य व्यक्तिहरू सनाखत हुन नसकेको प्रहरीले बताएको छ ।

त्यसैगरी प्रहरीले आफ्नो विशेष सुत्रबाट घटना भइसकेपछि प्रतिवादी मोहन ठाकुरले गरेको कुराकानीको अडियो रेकर्डलाई समेत प्रहरीले प्रमाणको रूपमा पेश गरेको छ । अनिल ठाकुरले गरेको संवादको भ्वाइस एस्पेक्ट्रम एनालेसिस प्रविधिद्वारा परिक्षण गराई अडियो रेकर्ड र भिजुअल रेकर्डको भ्वाइस ६७ प्रतिशत मिलेको  भनी केन्द्रीय अनुसन्धान ब्यूरोको परीक्षण प्रतिवेदनलाई पनि ठोस प्रमाणको रूपमा अगाडि बढाएको छ ।

hAMROPATRO BELOW NEWS
TATA Below
पुस २, २०८०

कार्यक्रम : राष्ट्रपति, उपराष्ट्रपतिसहित भीभीआईपीहरूको लर्को लागेको एउटा भव्य विवाह समारोह । ​ मिति : २०८० साल, मंसिर २९ गते, शुक्रवार​ स्थान : गोकर्ण रिसोर्ट, काठमाडौं । (पाँच तारे स्तरको डिलक्स रिसोर्ट) ...

मंसिर १८, २०८०

प्रत्येक भाषणमा पारदर्शिता र सुशासनको गफ लगाउने प्रधानमन्त्री पुष्पकमल दाहाल ‘प्रचण्ड’ले आफ्नो सचिवालयलाई निकै जम्बो बनाएको पाइएको छ । परिवारका सदस्यदेखि आफूनिकटका व्यक्ति समेत झन्डै ३ दर्जन बढीलाई निय...

मंसिर १५, २०८०

धनुषाको शहीदनगर नगरपालिकाका तत्कालीन शिक्षा संयोजक धनेश्वर यादवले झण्डै २ करोड पेस्की लिएर विभिन्न कार्यक्रमका नाममा नक्कली बिल भर्पाइ पेस गरि अनियमितता गरेको पाइएको छ । धनुषाको लक्ष्मीनियाँ गाउँपालिका...

मंसिर ५, २०८०

संसदीय लोकतन्त्रलाई आदर्श मान्ने नेपाली कांग्रेसका सभापति एवं संसदीय दलका नेता शेरबहादुर देउवादेखि नयाँ दलको रूपमा उदाएको रास्वपाका सांसद स्वर्णिम वाग्ले तथा शिशिर खनालसम्मले महिनामा एकदिन पनि हाजिरी नग...

माघ २४, २०८०

काठमाडौं महानगरपालिका वडा नम्बर– ३ बाँसबारीमा शहीद गंगालाल राष्ट्रिय हृदय केन्द्रनजिकै सञ्चालनमा छ, द चाँदबाग स्कूल । विनोद चौधरी नेतृत्वको सीजी ग्रुपअन्तर्गत सीजी एजुकेसनले सञ्चालन गरेको उक्त स्कू...

मंसिर २०, २०८०

नेपाल पर्यटन तथा होटल व्यवस्थापन प्रतिष्ठान (नाथम)का प्रिन्सिपल रामकैलाश बिछाको स्नातकोत्तरको शैक्षिक प्रमाणपत्र नक्कली रहेको आरोप त्यहाँ कार्यरत शिक्षकहरूले लगाएका छन् । संस्कृति, पर्यटन तथा नागरिक उड्डयन मन्त्...

स्वधर्मको अनुयायी कसरी बन्ने ?

स्वधर्मको अनुयायी कसरी बन्ने ?

चैत ३, २०८०

स्वधर्म भन्ने शब्द हामीमध्ये धेरैले सुन्ने गरेका छौँ । स्वधर्मको आदि शिक्षक, प्रचारक वा आचार्य भगवान् कृष्ण हुन् । उनले सर्वप्रथम अर्जुृनलाई यसको शिक्षा दिएका थिए कुरुक्षेत्रको युद्ध मैदानमा । यसका आधुनिक व्याख्याता भने ...

जनयुद्धको ‘माओवादी ह्याङओभर’ र नारायणकाजी

जनयुद्धको ‘माओवादी ह्याङओभर’ र नारायणकाजी

चैत १, २०८०

गठबन्धनको नयाँ समीकरणसँगै पुनर्गठित मन्त्रिपरिषद्मा नेकपा (माओवादी केन्द्र)का तीन मन्त्री दोहोरिए । पार्टी नेतृत्वको निर्णयप्रति केही युवा सांसदले आक्रोश व्यक्त गरे । माओवादी पार्टी एउटा भए पनि सहायक गुट धेरै छन्...

एक पूर्व कर्मचारीको 'डायरी'– इमान्दार बन्दा कार्यालय नै नभएको ठाउँमा सरुवा

एक पूर्व कर्मचारीको 'डायरी'– इमान्दार बन्दा कार्यालय नै नभएको ठाउँमा सरुवा

फागुन २८, २०८०

उमेरले ३५ वर्ष पुग्नै लाग्दा मैले लोकसेवा आयोगको फाराम भरें । ३५ वर्ष कटेको भए फाराम भर्न पाउँदैनथें, तर नियुक्ति लिँदा भने ३५ वर्ष कटिसकेको थिएँ । लोकसेवा आयोगको सिफारिशअनुसार क्षेत्रीय सिञ्चाइ निर्देशनालयले...

x