काठमाडौं, ८ चैत– अटल विहारी बाजपेयीको प्रधानमन्त्रीत्वकालमा अर्थमन्त्री र विदेशमन्त्री रहेका भारतीय नेता यशवन्त सिन्हाले बीजेपी परित्याग गरेका छन् । 

‘मैले पार्टीगत राजनीतिबाट सन्यास लिएको छु’ दिल्लीको एक टिभीले उनलाई उध्दृत गरेको छ । 

शनिवार पटनामा भएको राष्ट्रमञ्चको एक बैठकमा सिन्हाले पार्टीको अवस्थाप्रति असन्तोष जनाउँदै बीजेपी त्यागेको बताए । कार्यक्रममा बीजेपी सांसद शत्रुध्न सिन्हा पनि उपस्थित थिए । सिन्हाका छोरा जयन्त भने मोदी सरकारमा मन्त्री छन् ।