माघ २७, २०८०
भगवान् गौतम बुद्धको जन्मस्थल लुम्बिनी विश्वकै लागि शान्तिक्षेत्र हो । यो क्षेत्र आउँदो महिना विशेष हुने भएको छ । विश्वकै प्रतिष्ठित र ठूलो पुरस्कार मानिने नोबेल पुरस्कार विजेताहरूको जमघट हुने भएपछि विशेष हुन लागेक...
धनगढी, १८ वैशाख–अझै पनि कतिपय क्षेत्रमा ब्राह्मण समुदायले बंगुर पाल्नु त परै जाओस्, छुन समेत हुँदैन भन्ने मान्यता छ । यस्तो मान्यतालाई एक ब्राह्मण चेलीले चुनौती दिएकी छन् ।
कञ्चनपुरको शुक्लाफाँटा नगरपालिका–११ अमरपुर भागवती टोलकी ३२ वर्षीया कलावती भट्टले तिनै सामाजिक मूल्य मान्यतालाई ठाडै चुनौती दिँदै हाल सफल बंगुरपालक कृषक बन्न सफल भएकी हुन् ।
‘पहिला दमाईले मात्रै लुगा सिउँथे, आजभोलि सबैले सिउँछन्, सुनचाँदीको काम पनि सबैले गर्छन्, ठूला–ठूला उद्योग खोल्छन् भने हामीले बंगुर पालन गर्न किन नहुने ?’, परिवार र समाजबाट कतिको सहयोग पाउनु’भो, भन्ने जिज्ञासामा उनले पतिप्रश्न गरिन्– ‘शुरुवाती चरणमा केही असहयोग भए पनि आजभोलि सबैले सहर्ष स्वीकारे । काम गरेर कोही पनि सानो हुँदैन, नहुने काम गर्नु भएन ।’
उनी होटल व्यवसायी पनि हुन् । होटलबाट खेर जाने खानेकुरालाई सदुपयोग गर्न पहिले उनले एउटा पोथी बंगुर पालेकी थिइन् । पोथीबाट जन्मिएका पाठाबाट केही आन्दानी पनि लिइन् । कम समय र कम लगानीमा आएको आन्दानीबाट उत्प्रेरित भई उनी बंगुर पालन व्यवसायमा लागिन् ।
उनले २०७० साल माघ २८ गते स्थानीय सुनबारा नदी किनारमा एक बिघा क्षेत्रफल जग्गामा ‘रिभर साइड पिग एण्ड एग्रो फर्म’को शुरुवात गरिन् । ४५ लाखको लगानीबाट शुरु गरेको उनको व्यवसाय हाल २ करोडको पुगेको छ ।
आफ्नो फर्ममा ७० वटा प्रजननयोग्य माउ, ५ वटा भाले र ५० वटा पाठा रहेको बताइन् । साथै उनले केही दिनकै फरकमा माउहरू ब्याउने गरेको बताउँदै भनिन्–‘हिजो (आइतबार) मात्रै एउटा माउले १० पाठा दियो ।’
ल्याण्डरेस, ड्युरोक, योर्क सायर, पाख्र्रीबास प्रजातिको बंगुरको पाठा उत्पादन गर्दै आएकी उनले महिनामा करिब १ सय बढी पाठा बिक्री गर्दै आएकी छिन् । जसबाट सबै खर्च कटाएर महिनामा १ लाख रुपैयाँसम्म बचत गर्दै आएको भट्टले जानकारी दिइन् ।
व्यवसायमा उनको श्रीमान गगनराज भट्टको साथ सहयोग रहँदै आएको छ । श्रीमान भट्ट बंगुरको फर्ममा बस्दै आएका छन् । आफू भने साँझबिहानको समयमा खोरको काममा लाग्दै आएको उनको भनाइ छ । व्यवसायले आकार लिँदै गएपछि उनले ४ जनालाई रोजगारी पनि दिन सफल भएकी छिन् ।
बंगुरको बजारको सम्भावना बढी भएको बताउने उनी बंगुर बजार प्रवर्द्धनसंगै बंगुरको मासुबारे पनि सचेतीकरण गर्दै आएकी छिन् । आफ्नो घरको सबैले बंगुरको मासु उपभोग गर्दै आएको बताउँदै उनले भनिन्– ‘बंगुरले सबै किसिमको पौष्टिक तत्वसहितको आहार पाएको हुन्छ । जसका कारण पनि यसको मासुबाट मानव शरीरलाई चाहिने पौष्टिक तत्वहरू पाइन्छ । म त भन्छु, यसको मासु पौष्टिकतत्वको हिसाबले सर्वोत्तम हो ।’
स्नातकोत्तर अध्ययनरत भट्टले बंगुरपालनसँगै तरकारी खेती पनि गर्दै आएकी छिन् । फर्मबाट निस्कने कम्पोष्ट मलको प्रयोग गर्दै उनले व्यावसायिक तरकारी खेती पनि गर्दै आएकी छन् ।
उनको व्यावसायिक क्षेत्र यतिमा मात्रै सीमित भएन, उनी सुनचाँदी, होटल आइएमई व्यवसाय समेत गर्दै आएकी छिन् ।
उनको कामप्रतिको लगनशीलता र मेहनतले राम्रै सफलता मिलेको छ । उनी नाम र दाम दुवै कमाउन सफल भएकी छन् । आइतबार मात्रै उनी क्षेत्रीय स्तरको राष्ट्रपति उत्कृष्ट कृषक पुरस्कारबाट सम्मानित भइन् । गतवर्ष उनलाई नेपाल भेटनरी एशोसियसनले ‘एनभिए वेष्ट पिग फर्म अवार्ड’बाट सम्मानित गरेको थियो ।
शुरुमा विनातालिम बंगुरपालनमा हात हालेकी उनले पछि भने थुप्रै तालिम लिइ केही विज्ञता हासिल गरेकी छिन् । फलतः आफूले आर्जन गरेको ज्ञानसीप आजभोलि अरुलाई समेत बाँड्दै व्यवसायतर्फ अग्रसर गराउने काम गर्दै आएकी छन् ।
उनी भन्छिन्– ‘गर्नेलाई स्वादेशमै सबथोक छ । लाज नमानी पसिना चुहाउने हो भने, काम खोज्दै विदेश जानै पर्दैन । तर विडम्बना घरमा आफ्नै जुठो भाँडा नमाझ्नेहरू विदेशमा गएर अर्काको जुठो भाँडा माझ्छन्, गोठाला बन्छन् ।’
भगवान् गौतम बुद्धको जन्मस्थल लुम्बिनी विश्वकै लागि शान्तिक्षेत्र हो । यो क्षेत्र आउँदो महिना विशेष हुने भएको छ । विश्वकै प्रतिष्ठित र ठूलो पुरस्कार मानिने नोबेल पुरस्कार विजेताहरूको जमघट हुने भएपछि विशेष हुन लागेक...
पोखराका अशोक खड्काको पारिवारिक वातावरण सानैदेखि उद्यमशीलताको थियो । उनका बुवा सधैं एकै सुझाव दिइरहन्थे– नेपालमै केही गर्नुपर्छ । उनको बालमस्तिष्कमा त्यही छाप पर्यो । विदेश जाने सोच कहिल्यै बनाएनन् । नेप...
प्रगतिशील राजनीतिको 'फ्रन्टलाइन'मा देखिने नेताहरू जति कठोर हुन्छन्, त्यो भन्दा बढी ‘इमोसनल र सेन्टिमेन्टल’ पनि हुन्छन् । त्यस्तै ‘इमोसनल फिलिङ्स’का बाबजुद परिस्थितिले कठोर बन्दै गएक...
श्रीमान्–श्रीमती नैं शाखा अधिकृत, त्यो पनि एकसाथ । यस्तो सुखद संयोग सरकारी सेवामा प्रवेश गर्न चाहनेमध्ये कमैलाई मात्र जुर्ने गर्छ । तर, गुल्मीको धुर्कोट गाउँपालिका वडा नम्बर–६ का सुरेन्द्र पाण्डे र रमित...
नृत्यका पारखीहरूका लागि लुम्बिनी प्रदेशमा लोकप्रिय नाम हो किशोर थापा । रुपन्देहीका किशोरको परिचय खाली नृत्यकार (डान्सर)मा मात्र सीमित छैन । उनी नृत्य निर्देशक, गायक, मोडल र फूटबल खेलाडीको रूपमा समेत उत्तिकै च...
बुधवार काभ्रेको धुलिखेलस्थित काठमाडौं विश्वविद्यालयका १ हजार ८३८ जना विद्यार्थीमाझ सनम ढकाल दृश्यमा आए । एमबीबीएसमा सर्वोत्कृष्ट भएर गोल्ड मेडल ल्याउँदै सनम दीक्षित भएसँगै सबैमाझ परिचित भएका हुन् । काठम...
ललितपुरको गोदावरीस्थित सनराइज हलमा नेकपा (एमाले)का दुई महत्वपूर्ण कार्यक्रम भए । एमालेको प्रथम विधान महाधिवेशन (२०७८ असोज १५ र १६ गते) सनराइज हलमै भएको थियो । विधान महाधिवेशनले विभाजनदेखि चौतर्फी घेराबन्दी...
हामी १५औं अन्त्य गरेर १६औं योजनाको तयारीमा जाँदै छौं । दलका शीर्ष नेताबीच १६औं योजनाको विषयमा छलफल भएको छ । १५औं योजनाको असफलता र नमिलेका कुरालाई १६औं मा सुधार्छौं । हाम्रो गन्तव्य कहाँ हो भन्ने संविधानले ...
सच्चा लोकतन्त्रमा सिमान्तमा रहेको नागरिकले पनि यो देश मेरो हो भन्ने अनुभूति गर्न सक्नेछ- माहात्मा गान्धी । माथि गान्धीको भनाइ किन उद्धृत गरिएको हो भने नयाँ वर्षको आगमन भैसकेको छ र २०८० को बिदाइ बडो हर्षपूर्वक...