कात्तिक २७, २०८०
तत्कालीन प्रहरी नायब महानिरीक्षक (डीआईजी) अशोक सिंहले २०७९ फागुन १० गते जिम्मेवारीबाट राजीनामा दिए । प्रहरी महानिरीक्षक (आईजीपी)को लाइनमा रहेका सिंहको जन्ममितिमा कैफियत देखिएपछि राजीनामा दिनुपरेको थियो ।&...
काठमाडौं, १९ वैशाख– ‘कम्प्युटर बेस्ड टेस्ट’ (सीबीटी) मार्फत कोरिया जानेहरु यही वैशाख १९ गते परीक्षामा सामेल हुँदैछन् । पहिलो पटक कोरिया गएर आइसकेका र पुनः जान चाहनेहरुको लागि लिइने परीक्षा सीबीटी हो ।
सीबीटीमार्फत कोरिया जानको लागि कुल ३ हजार १सय६३ जनाले आवेदन भरेको इपिएस कोरिया शाखा प्रमुख कृष्ण खनालले लोकान्तरलाई जानकारी दिए । तीन हजार भन्दा बढीको आवेदन आएको भए पनि करिब ५० प्रतिशतले मात्र कोरिया जाने अनुमति पाउन सक्ने खनालको भनाइ छ ।
कोरियाका रोजगारदाता कम्पनीहरुले यस अघि राम्रो काम गरेका कामदारलाई पुनः कोरिया बोलाउन सक्ने प्रावधान यो वर्षदेखि ल्याइएको हो ।
सीबीटीमार्फत पुनः कोरिया जान चाहनेहरुलाई त्यहाँको रोजगारदाता कम्पनीले सिफारिस गर्नुपर्ने हुन्छ । उनीहरुले लिखित परीक्षा दिनु पर्दैन । यो भन्दा अगाडि कोरिया जानको लागि लिखित भाषा परीक्षा पास गर्नुको विकल्प थिएन । सीबीटीमार्फत कोरिया जान चाहनेहरु न्यूनतम एक वर्ष कोरियामा काम गरेर फर्केको हुनुपर्छ ।
इपिएस प्रमुख खनालका अनुसार पहिलो पटक भाषा परीक्षा पास गरेर गएका कामदारहरुलाई रोजगारदाता कम्पनीले एउटा रोस्टर कायम गरेर राखेको हुन्छ, जसमा कसले कस्तो काम गरेको छ भनेर उल्लेख गरिन्छ ।
त्यसैको आधारमा राम्रो काम गर्नेहरुले आफ्नो श्रम सम्झौता सकिएर नेपाल फर्किसकेपछि पनि पुनः कोरिया जानको लागि आवेदन दिन सक्नेछन् ।
नियमित भाषा परीक्षा कहिले हुन्छ ?
नेपालबाट नयाँ कामदार पठाउनको लागि वैदेशिक रोजगार विभागले गत चैत ८ देखि १७ गतेसम्म अनलाइन आवेदन खुला गरेको थियो । अनलाइन परीक्षा आवेदन भर्न सबैभन्दा पहिला ग्लोबल आइएमई बैंकमा २४ अमेरिकी डलर बुझाएको भौचर र पासपोर्ट नम्बर आवश्यक पर्ने गर्छ । २०१९ को लागि करिब ८३ हजार जनाले कोरिया जानको लागि आवेदन फारम भरेका थिए, जसमध्ये करिब ७१ सय जनालाई कोरियाले रोजगारी दिनेछ ।
पहिलोपटक कोरिया जानको लागि आवेदन फारम भरेकाहरुको लागि भने जेठ २६ र २७ गते लिखित भाषा परीक्षा हुने तय भएको छ । उनीहरुलाई पीबीटी अर्थात ‘प्रोफिसिएन्सी बेस्ड टेस्ट’ भन्ने प्रक्रिया अन्तर्गत लगिन्छ । उनीहरुको भाषा परीक्षा लिखित हुन्छ ।
परीक्षा समिति कस्तो हुन्छ ?
पीबीटी अर्थात लिखित भाषा परीक्षा कोरियन प्रतिनिधीहरुले नै लिने भएता पनि त्यसमा अनियमितता हुन नदिन र राम्रोसंग सुचारु गर्नको लागि एउटा निर्देशक समिति बनाइएको हुन्छ । जसको अध्यक्षता श्रम मन्त्रीले गर्छन् ।
त्यस भन्दा तल अर्को परीक्षा समिति हुन्छ जसलाई श्रम मन्त्रालयको सचिवले संयोजन गरेका हुन्छन् । सो परीक्षा समितिमा प्रमुख जिल्ला अधिकृतसहित गृहमन्त्रालय र प्रहरी प्रधान कार्यालयबाट पनि सदस्यको रुपमा सामेल हुन्छन् । परीक्षा समितिले समन्वय गर्ने काम गरिरहेको हुन्छ । यही आर्थिक वर्षदेखि निर्देशक समितिले पोखरामा पनि भाषा परीक्षा संचालन गर्ने निर्णय गरेको छ ।
प्रक्रिया कस्तो हुन्छ ?
भाषा परीक्षा पास गर्नेहरुलाई कोरियाका रोजगारदाता कम्पनीहरुले छनोट गर्दछन् । उनीहरुले कामदार छनोट गर्ने कुनै मापदण्ड भने छैन । त्यसपछि लेबर कन्ट्रयाक्ट बनाएर उताको रोजगारदाता कम्पनीले सही गरेर नेपाल पठाइदिन्छ । इपिएस कोरिया शाखाले त्यो भाषा परीक्षामा पास भएकाहरुलाई बोलाएर लेबर कन्ट्रयाक्टमा सही गराएर उता पठाइदिन्छ । त्यसपछि भिसाको प्रक्रिया शुरु हुन्छ । कोरियाको सरकारले दूतावासमार्फत भिसाको लागि ‘सिसिबीआइ’ फारम भरिसकेपछि पास भएका आवेदकहरुको पासपोर्ट जम्मा गरेर दूतावास पठाइन्छ ।
खर्च कति लाग्छ ?
सीसीबीआइ भैसकेपछि आवेदकहरुलाई एउटा अर्को फारम भर्न लगाइन्छ । भिसा शुल्कको रुपमा पास भएका कामदारहरुबाट प्रतिकामदार रु ६००० लिइन्छ र त्यसपछि उनीहरुले मेडिकल चेकअप र अभिमुखीकरण तालिमको लागि क्रमश ५६ र ४६ डलर तिर्नुपर्ने हुन्छ ।
मेडिकल चेकअपको लागि टेकु अस्पताल, निजामति अस्पताल या पाटन अस्पताल मध्ये कुनै एउटा अस्पताल छान्नु पर्छ भने भैंसेपाटी तालिम केन्द्रमा गएर अभिमुखीकरण तालिम लिन सकिनेछ ।
माथिका प्रक्रिया सकिएपछि कामदार आफैंले हवाइजहाजको टिकट लिनुपर्ने हुन्छ । करिब एक लाख भित्र आवेदकले सबै प्रक्रिया गर्न सक्ने शाखा प्रमुख खनाल बताउँछन् ।
मेडिकल गर्न जानेहरुले कोरिया मैत्री क्षयरोग अस्पतालबाट क्षयरोगको पनि परीक्षण गराउनुपर्ने हुन्छ ।
सीबीटीमार्फत पुनः कोरिया जान चाहनेहरुले कम्प्युटर टेस्ट दिनुपर्ने हुन्छ भने पिबिटीमार्फत पहिलो पटक कोरिया जान चाहने कामदारहरुले लिखित भाषा परीक्षा दिनुपर्ने हुन्छ ।
त्यसपछिका सबै प्रक्रियाहरु लगभग उस्तै हुने कोरिया शाखा प्रमुख खनाल बताउँछन्।
कति नेपाली गए कोरिया ?
कोरियामा नेपाल सरकारले नै कामदारहरु पठाउने गरी २००८ मा भएको सम्झौता पछाडि अहिलेसम्म ४ लाख जातिले भाषा परीक्षाको लागि आवेदन दिएका छन् भने करिब ५७ हजार पुरुषले सो भाषापरीक्षा पास गरेका छन् । भाषा परीक्षा पास गर्ने महिलाको संख्या भने १० प्रतिशत भन्दा कम अर्थात ५५ सय मात्र रहेको छ । अर्थात ४ लाख मध्ये कूल ६२ हजार ५ सयले मात्र भाषा परीक्षा पास गर्न सफल भएका छन् ।
भाषा परीक्षा पास भएका मध्ये जम्माजम्मी ६१ हजार जतिले‘जब एप्लिकेसन फारम’ भरेका थिए । तर ति मध्ये जम्मा ५१ हजार एक सय मात्र कोरिया पुगेर काम गरेको तथ्यांक रहेको खनालले लोकान्तरलाई बताए ।
हालसम्म कति नेपाली कोरियामा अवैधानिक बसेका छन् त भन्ने प्रश्नमा खनालले आफूलाई कुनै जानकारी नभएको बताए । तर विभिन्न रिपोर्टहरुका अनुसार अवैधानिक रुपमा कोरिया बस्नेको संख्या करिब ५ हजारको हाराहारीमा छन् । कोरियामा बस्ने अवैधानिक नेपालीहरुको संख्या बढ्नु त्यति राम्रो नभएको बताउँदै खनालले उक्त संख्या बढ्दै गएमा कोरियाले नेपाली कामदार कटौती गर्न सक्ने सम्भावना रहेको लोकान्तरलाई बताए ।
कोरियामा अवैधानिक बस्ने नेपालीहरुको संख्यामा कमी ल्याउने उद्देश्यले कोरियास्थित नेपाली दूतावासले कोरियन सरकारको सहयोगमा ‘ह्याप्पी होम रिटर्न’ नामक कार्यक्रम संचालन गरिरहेको छ ।
तत्कालीन प्रहरी नायब महानिरीक्षक (डीआईजी) अशोक सिंहले २०७९ फागुन १० गते जिम्मेवारीबाट राजीनामा दिए । प्रहरी महानिरीक्षक (आईजीपी)को लाइनमा रहेका सिंहको जन्ममितिमा कैफियत देखिएपछि राजीनामा दिनुपरेको थियो ।&...
नेपाली सेनाका कर्णेल कामेश्वर यादवको घरमा चोरी भएको छ । ललितपुर महानरपालिका–१८ भैँसेपाटीमा रहेको उनको घरबाट १९ लाख ४२ हजार ६ सय रुपैयाँसहित विभिन्न सामानहरू चोरी भएको जिल्ला प्रहरी परिसरका एसएस...
बाराको कलैया उपमहानरपालिका–६ मदर्सा टोलमा रहेको बाल एकता इंग्लिस बोर्डिङ स्कूलका प्रिन्सिपल गुड्डु भनिने रुपेश स्वर्णकारको हत्याका मुख्य योजनाका सोही विद्यालयकी पूर्वशिक्षिका तथा लेखापाल राधा गुप्ता रहेको ख...
काठमाडौँ उपत्यका अपराध अनुसन्धान कार्यालयले ‘कल गर्ल’ चाहिएमा उपलब्ध गराइदिने भनी ठगी गर्ने दुई जनालाई पक्राउ गरी आज सार्वजनिक गरेको छ । सामाजिक सञ्जालबाट ‘कल गर्ल’ उपल...
भैहवाबाट झण्डै २० किलोमिटर पश्चिममा छ रुपन्देहीको सियारी–५ मा बैदौली गाउँ । सोही गाउँकी ३३ वर्षीया सावित्रा खरेल खनाल आमा बन्ने खुसीको मुखैमा थिइन् । विवाह गरेको दुई वर्ष मात्रै पुग्नै लाग्दा सावित्रा आम...
पाल्पामा दुईवटा खोलामा डुबेर मंगलवार दुई जनाको ज्यान गएको छ । पाल्पाको तिनाउ गाउँपालिका–३ मा रहेको तिनाउ खोलाको ड्याममा डुबेर घुम्न आएकी भारतीय युवती महिलाको मृत्यु भएको जिल्ला प्रहरी कार्यालय, पाल्पाक...
ललितपुरको गोदावरीस्थित सनराइज हलमा नेकपा (एमाले)का दुई महत्वपूर्ण कार्यक्रम भए । एमालेको प्रथम विधान महाधिवेशन (२०७८ असोज १५ र १६ गते) सनराइज हलमै भएको थियो । विधान महाधिवेशनले विभाजनदेखि चौतर्फी घेराबन्दी...
हामी १५औं अन्त्य गरेर १६औं योजनाको तयारीमा जाँदै छौं । दलका शीर्ष नेताबीच १६औं योजनाको विषयमा छलफल भएको छ । १५औं योजनाको असफलता र नमिलेका कुरालाई १६औं मा सुधार्छौं । हाम्रो गन्तव्य कहाँ हो भन्ने संविधानले ...
सच्चा लोकतन्त्रमा सिमान्तमा रहेको नागरिकले पनि यो देश मेरो हो भन्ने अनुभूति गर्न सक्नेछ- माहात्मा गान्धी । माथि गान्धीको भनाइ किन उद्धृत गरिएको हो भने नयाँ वर्षको आगमन भैसकेको छ र २०८० को बिदाइ बडो हर्षपूर्वक...