विराटनगर, ८ जेठ -सुन तस्करी र त्यससँगै जोडिएको सनम शाक्य हत्या प्रकरणका मुख्य अभियुक्त चुडामणि उप्रेती गोरेलाई काठमाडौंबाट पक्राउ गरी मोरङ ल्याइएको छ ।

मंगलबार बिहान काठमाडौंको गौरीघाट क्षेत्रबाट पक्राउ परेका गोरेलाई जिल्ला अदालतमा पेश गर्न मोरङ ल्याइएको हो । उनलाई अहिले जिल्ला प्रहरी कार्यालय मोरङमा राखिएको छ ।

गोरेसहित यस प्रकरणमा संलग्नहरूविरुद्धको मुद्दा मोरङ जिल्ला अदालतमा विचाराधीन छ ।

गोरेलाई मोरङ ल्याइएपछि उन हेर्न अदालत परिसरमा सर्वसाधारणको भीड लागेको छ ।

गोरेलाई केहीबेरमा अदालतमा पेश गरिँदैछ ।