काठमाडौं, ९ जेठ– अर्थमन्त्री युवराज खतिवडाले आफ्नो सम्पत्ति विवरण सार्वजनिक गरेका छन् । 

उनले आफ्नो सम्पत्ति विवरणमा ८० हजारमा किनेको रंगिन टेलिभिजन तथा ६५ हजार र ८५ हजारमा खरिद गरेको दुईवटा मोबाइल सेट भएको उल्लेख गरेका छन् । 

अर्थमन्त्री खतिवडासँग ९६ लाख ६० हजारमा किनेको मोटर गाडी पनि रहेको छ । मन्त्री खतिवडाले ५ जनालाई ऋण दिएको आफ्नो सम्पत्ति विरणमा उल्लखे गरेका छन् । उनले २४ लाख रुपैयाँ विभिन्न व्यक्तिलाई ऋण दिएका छन् । 

युवराजसँग पत्नी कमलासहित गरि ५ हजार कित्ता सेयर रहेको छ । 

अर्थमन्त्री खतिवडासँग विभिन्न १० वटा बैंकमा रकम मौजाद रहेको सम्पत्ति विवरणमा उल्लेख गरेका छन् । 

उनीसँग नवील बैंकम १०७३ डलर(नेपाली करिब ११ लाख ६६ हजार) नविल बैंकमा १ लाख ४९ हजार, माछापुछ्रे बैंकमा २ लाख ७९ हजार, इन्भेस्टमेन्ट बैंकमा २ लाख १३ हजार, सानीमा बैंकमा ५६ लाख ६८ हजार, सानीमा बैंकमा ३७ लाख,  सावल सहकारी संस्था २४ लाख ५४ हजार, पत्नी कमला खतिवडा ३ लाख ६६ हजार, पत्नीकै नाममा नवदुर्गा सहकारीमा १७ लाख, जनता बैंकमा ५० हजार रकम रहेको उल्लेख गरेका छन् ।

उनले यो सम्पत्तिको स्रोत संयुक्त राष्ट्रसंघको जागिर, नेपाल राष्ट्र वैंकको गभर्नर, परामर्श सेवा, नेपाल राष्ट्र बैंकको अवकास बचत, व्याज, घरासयी खर्च बचत आदी उल्लखे गरेका छन् । कुल गरेर उनीसँग  १ करोड ५७ लाख ९५ हजार विभिन्न बैंकमा व्यालेन्स रहेको छ । 

उनीसँग १० तोला सुन र १ किलो चाँदी रहेको उल्लेख छ । 

कति छ जग्गा जमिन ?

अर्थमन्त्री युवराज खतिवडासँग ८ स्थानमा जग्गा रहेको विवरण सार्वजनिक भएको छ । 

खतिवडासँग काठमाडौं ५ आना, भक्तपुर चागुनारायणमा १२ आना, झापामा १० आजना जग्गा रहेको छ । त्यस्तै पत्नी कमला खतिवडाको नाममा काठमाडौंमा १४ आना, कमलाकै नाममा चागुनारायणमा २४ आना, झापामा ४ रोपनी र काठमाडौंको कागेश्वरी मनोहरामा ४ आना जग्गा रहेको छ । 

कति छ प्रचण्डकी बुहारी विना मगरसँग सम्पत्ति ?

मन्त्री लालबाबुको सम्पत्ति– बैंकमा ५५ लाख, घरमा पुरानो साइकल !

प्रधानमन्त्री ओलीले सार्वजनिक गरे सम्पत्ति–बैंकमा ७७ लाख, डेढ रोपनीमा दुईवटा घर