काठमाडौं, १३ जेठ– आइतवार विहान धनगढीको ट्राफिक चोकमा आईएमईका कर्मचारीमाथि गोली प्रहार गरी ९ लाख रुपैयाँ लुट्ने लुटेरालाई प्रहरीले पक्राउ गरेको छ । 

आइतवार विहान सिद्धार्थ बैंकबाट रकम झिकेर आफू कार्यरत आईएमई सेन्टरतर्फ जाँदै गर्दा धनगढीका निर्मल कार्कीलाई गोली प्रहार गरी ९ लाख रुपैयाँ लुटिएको थियो । 

लु ४० प ४४३८ नम्बरको मोटरसाइकलमा आएर लुटपाट गरी भाग्दै गरेका दुवैजनालाई पिछा गर्दै जाँदा अत्तरीयाबाट पक्राउ गरिएको प्रहरीले जनाएको छ । प्रहरीले पक्राउ परेका लुटेराहरुको नाम भने खुलाएको छैन । 

लुटेराले प्रहार गरेकाे गोली लागेर घाइते भएका कार्कीको धनगढीमा उपचार भइरहेको छ । कार्कीको छाती र पाखुरामा गोली लागेको जनाइएको छ ।