काठमाडौं, १३ जेठ– प्रधानमन्त्री केपी शर्मा ओलीले सुन तस्करीमा संलग्नहरुलाई जस्तै अन्य सबै क्षेत्रका तस्करीमा संलग्नलाई कारबाही हुने बताएका छन् । 

आइतवार संघीय संसदको बैठकमा नीति तथा कार्यक्रममाथि सांसदहरुले उठाएका प्रश्नको जवाफ दिने क्रममा प्रधानमन्त्री ओलीले क्विन्टलका दरले भइरहेको सुन तस्करीकाे जालो तोडिएको बताए । उनले सुन तस्करीमा संलग्न जस्तासुकै व्यक्तिलाई पनि कारबाही हुने बताए । 

साथै उनले सुन तस्करीमाथिकाे छानवीन सबै प्रकारका भ्रष्टाचार, कालोबजारी, अनियमितता र तस्करीविरुद्धको कडा कदम भएको पनि बताए । 

प्रधानमन्त्री ओलीले अब सबै प्रकारका तस्करीको अन्त्य गरेर छाडिने पनि बताए ।