मंसिर १६, २०८०
नेपाली कांग्रेसका केन्द्रीय सदस्य तथा सांसद डा. चन्द्र भण्डारीले पार्टी सभापति शेरबहादुर देउवाले अब नेतृत्व छाड्नुपर्ने बताएका छन् । पार्टीको लुम्बिनी प्रदेश सम्मेलनमा शनिवार बोल्दै भण्डारीले देउवाले अब...
काठमाडौं, २३ जेठ– गृहमन्त्री रामबहादुर थापा ‘बादल’ले बुधवार पत्रकार सम्मेलनमार्फत आफ्ना १०० दिने उपलब्धि सार्वजनिक गरेका छन् । गत फागुन १४ गते गृहमन्त्रीको पद सम्हालेका बादलले यातायात क्षेत्रमा ब्याप्त आलोपालो प्रथा (सिन्डिकेट) तोड्नेदेखि सुन तस्करीको जालो भात्काउनेसम्मलाई आफ्ना १०० दिने उपलब्धिमा समेटेका छन् ।
लामो समयदेखि प्रहरीमा रोकिएको बढुवा प्रक्रियालाई निरन्तरता दिनु, ७ वटै प्रदेशमा सुरक्षा गोष्ठी गर्नुलाई पनि गृहमन्त्रीले आफ्ना १०० दिने उपलब्धिमा समेटेका छन् । गृहमन्त्रीले विकास निर्माणका क्षेत्रमा व्याप्त ढिलासुस्ती अन्त्य गर्न समयमै काम नसक्ने ठेकेदारलाई कारबाही गर्ने प्रक्रिया पनि शुरु गरेका छन् ।
तर गृहमन्त्रालयको महत्त्वपूर्ण काम मानिएको आन्तरिक सुरक्षा व्यवस्थापनमा उनकै पूर्व सहयात्री नेत्रबिक्रम चन्द ‘विप्लव’ ठूलो चुनौती बनेर अगाडि आएका छन् । आफ्ना १०० दिने उपलब्धि सार्वजनिक गर्न बिहीवार गृहमन्त्रालयमा पत्रकार सम्मेलन आयोजना गरेको बादलले राष्ट्रिय सुरक्षाका लागि विप्लव नेतृत्वको नेकपा चुनौती बनेको बताए ।
‘चुनावका बेला बम बिस्फोट गराउनेदेखि केही दिन अगाडि मात्रै प्रमुख निर्वाचन आयुक्तको घरमा बम बिस्फोट गराउने कार्यमा बिप्लव नेतृत्वकै नेकपाको संलग्नता छ,’ पत्रकारमाझ विप्लवले भने, ‘अहिलको राज्य व्यवस्था नै उल्ट्याउँछु भन्ने, जनताले लामो संघर्ष र आन्दोलनबाट प्राप्त गरेको संघीय लोकतान्त्रिक गणतन्त्रलाई असफल बनाउन खोज्ने, यो एक प्रकारको अतिवादी राजनीतिक प्रवत्ति हो । यसको कुनै गन्तव्य छैन ।’
आन्तरिक सुरक्षाको महत्त्वपूर्ण जिम्मा पाएको गृह मन्त्रालयको नेतृत्वमा रहेका बादलले विप्लवका गतिविधिले अस्थिरता मात्रै फैलाइरहेको बताए । विप्लव राजनीतिक मूलप्रवाहमा आउन् भन्ने चाहना पनि गृहमन्त्रीले व्यक्त गरे ।
‘प्रधानमन्त्रीले पनि उनीहरुलाई राजनीतिक मूलप्रवाहमा आउन भनेर आह्वान गरिरहनुभएको छ,’ बादलको भनाइ थियो, ‘एनसेलका टावरमा बम पड्काउने कार्य राजनीतिक क्रान्ति हुन सक्दैन । राजनीतिक परिवर्तन भइसकेको छ । आर्थिक समृद्धिमा सहभागी हुन राजनीतिक मूल प्रवाहमा आउनु पर्यो ।’
आन्तरिक सुरक्षाका लागि विप्लवलाई पहिलो चूनौतीको रुपमा परिभाषित गरेका बादलले देशलाई बिखण्ड गर्न खोज्ने तत्वहरु पनि सक्रिय रहेको बताए । ‘सिके राउत, ज्वाला सिंह, गोइतहरु छुट्टै मधेस देशको अभियान चलाइरहेका छन्,’ गृहमन्त्री बादलले भने, ‘यस्तै यो देशलाई हिन्दू अधिराज्य बनाउँछौं भन्ने र देशका सबै मन्दिर भत्काएर चर्च बनाउँछौं भन्नेहरु पनि अस्थिरता फैलाउन सक्रिय छन् । तर उनीहरु सफल हुने कुनै संभावना र आधार छैन ।’
‘सुन काण्डका ‘ठूला माछा’ छट्पटाउन थाले’
गृहमन्त्री बादलले सुनकाण्डको छानबिनले पछिल्लो समय ‘ठूला माछा’हरु छट्पटाउन थालेको बताए । पछिल्लो समय केही पूर्व प्रहरी अधिकारीहरुले सुनकाण्डको छानबिन नै त्रुटिपूर्ण रहेको भनेर सार्वजनिक अभिव्यक्ति दिन थालेपछि गृहमन्त्री थापाले ठूला माछाहरु छट्पटिन थालेको टिप्पणी गरे ।
उनले सुन काण्डमा संलग्न सबै तहका व्यक्तिलाई कानूनी दायरमा ल्याइने गृहमन्त्रीको दावी थियो ।
समयमा काम नसक्ने जोसुकै ठेकेदारलाई पनि कारबाही गरिने
गृहमन्त्री थापाले पछिल्लो समय विकास निर्माणका कार्यमा भइरहेको ढिलाइको कारण ठेकेदारहरु रहेको भन्दै उनीहरुमाथि कारबाहीका लागि विवरण शंकलन थालेका छन् । गृहमन्त्रालयले संकलन गरेको विवरणका अनुसार काठमाडौं उपत्यकामा मात्रै साना र ठूला गरी करिब ५ सय वटा सडक आयोजना निर्माणाधिन अवस्थामा छन् । जसमध्ये ३०० आयोजना ठेकेदारकै कारण अलपत्र परेका छन् ।
पत्रकार सम्मेलनमा सञ्चारकर्मीले गृहमन्त्रीले प्रतिनिधित्व गर्ने नेकपाका अध्यक्ष पुष्पकमल दाहाल प्रचण्डकै घरभेटी ठेकेदारले दर्जनौं सडक आयोजना अलपत्र पारेको विषयमा प्रश्न उठाए । जवफमा गृहमन्त्री थापाले तोकिएको समयमा निर्माण कार्य सम्पन्न नगर्ने जोसुकै ठेकेदारलाई पनि कारबाही गरिने बताए ।
तस्वीर : गगन अर्याल
नेपाली कांग्रेसका केन्द्रीय सदस्य तथा सांसद डा. चन्द्र भण्डारीले पार्टी सभापति शेरबहादुर देउवाले अब नेतृत्व छाड्नुपर्ने बताएका छन् । पार्टीको लुम्बिनी प्रदेश सम्मेलनमा शनिवार बोल्दै भण्डारीले देउवाले अब...
मोहन वैद्यले नेतृत्व गरेको नेकपा (माओवादी क्रान्तिकारी)ले गरेको लालमार्च तथा सभामा कुर्सी हानाहान भएको छ । क्रान्तिकारीले १३१ औं माओ दिवसका अवसरमा काठमाडौंको शान्ति वाटिकामा गरेको मार्चपासमा कुर्सी हानाहान...
जसपाबाट उपराष्ट्रपतिमा रामसहाय यादवको उम्मेदवारी कायम भएको छ। सत्ता गठबनधनको तर्फबाट उपराष्ट्रपतिको उम्मेदवार बनाइएका जसपा नेता रामसहाय प्रसाद यादवको उम्मेदवारी निर्वाचन आयोगले कायमै राख्ने ...
‘यो कस्तो तरिका हो के रोडमा हिँड्न पनि नपाउने ? म बौद्ध जाने बस कुरेर बसेकी हुँ के । तपाईंहरू किन ममाथि आवश्यकताभन्दा बढी निगरानी गरिरहनु भएको छ,’ मेडिकल व्यवसायी दुर्गा प्रसाईंका कार्यकर्ता...
नेकपा एमालेको भ्रातृ संगठन राष्ट्रिय युवा संघ नेपाल लुम्बिनी प्रदेश कमिटीको अध्यक्षमा रुपन्देही देवदहका सुरज खरेल निर्विरोध निर्वाचित भएका छन् । प्रथम अधिवेशनबाट उनी अध्यक्ष पदमा सर्वसम्मत निर्वाचित भएका हुन् । ...
नेपाली कांग्रेसका केन्द्रीय सदस्य डा. चन्द्र भण्डारीले समस्त कांग्रेसजन र नेपाली जनताले डा. शेखर कोइरालालाई एक पटक कांग्रेस सभापति भएको हेर्न चाहेको बताएका छन् । कोइराला वर्तमान र भविष्य हेर्न सक्ने नेता भएको उ...
हामी १५औं अन्त्य गरेर १६औं योजनाको तयारीमा जाँदै छौं । दलका शीर्ष नेताबीच १६औं योजनाको विषयमा छलफल भएको छ । १५औं योजनाको असफलता र नमिलेका कुरालाई १६औं मा सुधार्छौं । हाम्रो गन्तव्य कहाँ हो भन्ने संविधानले ...
सच्चा लोकतन्त्रमा सिमान्तमा रहेको नागरिकले पनि यो देश मेरो हो भन्ने अनुभूति गर्न सक्नेछ- माहात्मा गान्धी । माथि गान्धीको भनाइ किन उद्धृत गरिएको हो भने नयाँ वर्षको आगमन भैसकेको छ र २०८० को बिदाइ बडो हर्षपूर्वक...
एक दिन काम विशेषले नयाँ सडकतिर गएको थिएँ, मोबाइल टिङटिङ गर्यो । हेरेँ पुराना मित्र जयदेव भट्टराई, सम्पादक मधुपर्क (हाल अवकाश प्राप्त) ले सम्झेका रहेछन् । हामी दुई लामो समयसम्म सँगै रह्यौँ, कहिले गोरखापत्र...