लागूऔषध खरिद बिक्रिमा संलग्न तीन जना पक्राउ

जेठ २४, २०७५

सुनसरी, २४ जेठ– सुनसरीको इटहरीबाट लागूऔषध खरिद बिक्रि गर्ने तीन जनालाई प्रहरीले पक्राउ गरेको छ । इटहरी उपमहानगरपालिका–८ का सुर्यमणी राउतको घरमा डेरा गरी बसेका तेजनारायण चौधरीको कोठाबाट लागूऔषध खरिद बिक्रि भई रहेको अवस्थामा प्रहरीले ३ जनालाई नियन्त्रणमा लिएको हो । 

लागूऔषध बेच्ने चौधरीसहित खरिद गर्ने इटहरी–१ का भविस राई र कोशी–हरैचा–४ का प्रदिप ढकाललाई पक्राउ गरिएको प्रहरीले जनाएकोछ । चौधरी राउतको घरमा रहेको पुनम खड्काले संचालन गरेको औषधी पसलमा काम गर्ने कर्मचारी हुन् । 


चौधरीको कोठाबाट प्रहरीले लुकाई राखेको अवस्थामा १ सय ३४ पिस स्पाजमोल, ट्रेट्रामाटस ५ सय ६९ पिस, ट्रमाटस एसआर १७ पिस र स्पास्मोप्रोक्सिवन क्याप्सुल १४ पिस बरामद भएको इलाका प्रहरी कार्यालय इटहरीले जनाएको छ ।

जेठ २४, २०७५ मा प्रकाशित

प्रतिक्रिया दिनुहोस