युमिसाको सपना : ग्रेजुएड मोडल बन्दै समाज परिवर्तन गर्ने

झापाकाे बिर्तामोडकी युमिसा घिमिरे एक ग्रेजुएड मोडेल बन्ने यात्रामा निस्किएकी छन् । कक्षा ११ को परीक्षा दिएर बसेकी युमिसाले आफ्नो करियरमा एक पाइला थप्न मिस टिन प्रोभिन्स १ को चौथो संस्करणको मौका छोप्दै अगाडि बढेकी हुन् । 

बिजनेश म्यानेजमेन्ट विषय ललिएर बिर्तामोडको बाल्मिकी प्रोभिडेन्स कलेजमा पढिरहेको युमिसा समाजले महिला मोडलप्रति हेर्ने दृष्टिकोण ठीक नभएकोमा चिन्तित छिन् । त्यसकारण पनि युमिसाले मोडलप्रति रहेकाे सामाजिक धारणा नै परिवर्तन गर्ने अठोट लिएकी छिन् । 

उनी भन्छिन्, “मोडलहरु खासगरी महिलालाई छोटो लुगा लगाउने, ग्ल्यामर भनेर नराम्रो सोच्छन्, यसलाई अब परिवर्तन गर्नु छ । त्यसकारण म एक स्याम्पल बनेर देखाउनुछ ।”

आफ्नो विषयमा समेत छिमेकीले कुरा काट्ने गरेकोमा उनी अचम्म पर्छिन् । “मेरा छिमेकी, आफन्तहरुले पनि घरमै आएर ब्याकबाइटिङ गर्ने गर्छन्,” युमिसाले भनिन्, “तर मेरो परिवारले धेरै सर्पोट गरेको छ । मम्मी–बुवाले राम्रो गरेको हुँदा मलाई कुनै समस्या छैन ।”

अहिलेसम्म नपढी पनि मोडल बन्न सकिन्छ भन्ने तथा राम्रो शरीर भए सबैथाेक हुन्छ भन्ने सोचाईलाई बदल्दै नर्सिङमा ग्रेजुएट गर्ने युमिसाको अठोट छ । मोडलले बडी एक्पोज गर्ने नजरले सोच्ने हुँदा यसमा काम गरिरहेकाहरुले सोच्नुपर्ने उनी बताउँछिन् ।

वीरता जेसीज बिर्तामोड र बिर्ता मिडिया एण्ड इन्टरटेनमेन्टको संयुक्त आयोजनामा १३ वर्षदेखि १९ वर्ष उमेर समूहका किशोरीहरुका लागि  मिस टिन प्रेभिन्स १ को चौथो संस्करण चलेको छ ।

विराटनगरको भृकुटी चोकबाट आतवारदेखि छनौट शुरु हुन लागेको प्रतियोगितामा युमिसासहित १७ जना किशोरीहरु भाग लिन लागेका छन् । 

यसअघि इलाम, दमक, इटहरी, गाइघाटमा छनौट गरी बन्द प्रशिक्षण गरिएको कार्यक्रम निर्देशक एलसी श्रेष्ठले जानकारी दिए । 

प्रतियोगिताको उपाधि विजेतालाई बिर्तामोडस्थित बोस्टन एजुकेशन फाउण्डेशनको सहयोगमा अम्बिका नर्सिङ एण्ड पारामेडिकल कलेज बैंग्लोरले नर्सिङमा शतप्रतिशत छात्रबृत्ति, फस्टरनरअपलाई ५० प्रतिशत छात्रबृत्ति र सेकेण्ड रनरअपलाई २५ प्रतिशत छात्रबृत्ति प्रदान गरिने आयोजकको भनाइ छ ।

जेठ २६, २०७५ मा प्रकाशित

प्रतिक्रिया दिनुहोस

ताजा समाचार