अमेरिका- समाजिक इकर्मस साइट सगुनले अमेरिकन सेक्युरिटी एक्सचेन्जको स्वीकृतिमा विश्वभरबाट लगानी जुटाउन पाएको समयसिमा अन्तिम पटकको लागि आगामी जुलाई २६ सम्म यथावत रहने जनाएको छ ।

पछिल्लो समयसिमा जुन १५ तोकिएता पनि अमेरिकन सेक्युरिटी एक्सचेन्जले दिएको अन्तिम समय जुलाई २६ सम्म नै निरन्तरता दिने सगुनका फाउन्डर गोविन्द गिरीले प्रेस नोट मार्फत जानकारी दिएका छन् । उनले भनेका छन् 'सगुनलाई विश्वभरबाट विश्वास गरेर सयौंको संख्यामा साथ र सहयोग प्राप्त भैरहेको छ । लगानीको माध्यमबाट स्वामित्व लिनेहरु पनि बढिरहेका छन् ।'

गिरीले जारी गरेको नोटमा भनिएको छ, 'हालसम्म विश्वभरबाट ३००० भन्दा बढी लगानीकर्ताले सगुनमा लगानी गरिसकेका छन् । हिस्दुस्तान टाइम्स पनि हाम्रो लगानीकर्ताको रुपमा भित्रिएको छ । नयाँ लगानीकर्ताहरु पनि छिटो छिटो बढिरहेका छन् ।'

मुख्य गरेर विश्वभर छरिएका नेपाली र भारतीय समुदायको विश्वास सगुन प्रति बढिरहेको छ । अझ भारतको नयाँ डिल्लीमा २०१८ को जनवरीमा एन्ड्रोइट एप सार्वजनिक भए पछि सगुनको प्रयोगकर्ताहरु उल्लेख्य मात्रामा बढिरहेको समेत जनाइएको छ ।

केही समय अघि भारतीय चर्चित अभिनेत्री मन्दीरा वेदीले समेत सगुनमा लगानी गरेको भिडियो सार्वजनिक भए पछि बलिउडमा समेत यसको चर्चा चुलिएको थियो ।

सगुनमा लगानी गर्न चाहनेले सगुनको लगानी पेज www.sagoon.com/invest मा गएर त्यहा भएको लगानी सम्बन्धी भर्म भरेपछि प्राप्त मेलको आधारमा आफ्नो खाता भएको बैकबाट वायर/ चेक ट्रान्फर गरेर जुलाइ २६ सम्म नै लगानी गर्न सकिने जनाइएको छ ।

कतिपय देशबाट भने डेबिट/क्रेडिट कार्ड मार्फत समेत लगानी गर्न सकिने जनाइएको छ । नेपालभित्रबाट लगानी गर्न नसकिए पनि बिदेशमा बस्ने  नेपालीहरुको बैक खाता भएमा लगानी गर्न सक्ने कम्पनीले जनाएको छ । लगानी सम्बन्धी सम्पूर्ण जानकारी सगुनको इन्भेष्ट पेजमा भएको चौबिसै घण्टा खुल्ने लाइभ च्याटबाट समेत जानकारी पाउन सकिने बताइएको छ ।

जारी नोटमा गिरी भन्छन् : नेपाली र भारतीयहरुको सहकार्यमा नयाँ सामाजिक सञ्जाल बनाएर दक्षिण एसियाबाट बिश्वको ध्यान खिच्ने लक्ष्य रहेको बताएका छन् । हाल सगुनले अमेरिका, भारत र नेपालमा कार्यालय राखेर सामाजिक इकमर्स साइड सगुनको निर्माण तथा प्रचार प्रसार गरिरहेको छ । लगानी लागी अन्तिम अवसरलाई सदुपयोग गर्न समेत सबैलाई आवह्न गरिएको छ ।