काठमाडौंं, ४ असार – सन्तोष सेनको निर्माणमा बन्ने चलचित्र ‘मेरी मामु’को छायाङ्कन शुरू भएको छ ।

आमा छोराको कथामा बन्न लागेको चलचित्रलाई भदौं १५ गते विश्वव्यापी प्रर्दशन गर्ने तयारी चलचित्र फ्लोरमा गएको छ । चलचित्रमा आमाको भूमिकामा कुसुम गुरुङ देखिने छिन् । आशुसेन फिल्मस्को ब्यानरको यो चलचित्र बालमनोविज्ञानमा आधारित रहने निर्माता सन्तोष सेनले बताए । 

यम थापाको कथा र निर्देशन रहने चलचित्रमा अश्लेशा ठकुरी, सारुक ताम्राकार, नवनायिका कुसुम गुरुङ, नेपालकी पहिली नायिका भुवन चन्द तथा आयुव केसी र क्रिजन गौतम लगायतका कलाकार मुख्य भूमिकामा रहने छन् । बाल मनोविज्ञानमा पारिवारिक कथा बोकेको चलचित्रलाई पुरुषोत्तम प्रधानले खिच्ने छन् ।

रोचक कुरा चलचित्रमा मेसी नामको गोल्डेन रेटिभ जातको कुकुरको पनि अभिनय रहने छ । जुन प्रतिष्ठित माउन्ट एभरेस्ट केनल क्लबमार्फत् थाइल्याण्डबाट नेपाल आइसकेको छ ।