काठमाडौं, ४ असार – व्यक्तिको चालचलन, शरीरका केही अंग वा अनुहारबाट उसको स्वभाव र उससँग जोडिएका केही कुराका बारेमा जान्न सकिन्छ । 

बस्ने तरिकाबाट पनि व्यक्तिको स्वभाव थाहा हुन्छ । 

गोडा फट्याएर बस्ने

गोडा चाहिँ फट्ट्याउने व्यक्ति जिन्दगीमा अघि बढिरहन चाहने खालका हुन्छन् । जीवनमा आउने समस्यालाई बेवास्ता गरेमा ती समस्या आफैं हट्ने विश्वास उनीहरू गर्छन् । 

यसरी बस्ने मानिसले आफ्ना समस्याहरू अर्कामाथि थोपर्ने कोशिश गर्छन् । उनीहरू समस्याबाट बच्न हरसम्भव प्रयास गर्छन् । उनीहरू आफ्नो सोच अरूमाथि थोपर्न खोज्छन् । 

गोडा बंग्याएर बस्ने

सबै कुरा आफैं पाइन्छ भन्ने सोच राख्छन् । आफूले चाहेको सबै कुरा सयमक्रममा पाइन्छ भन्छन् उनीहरू । त्यसैले गर्दा उनीहरू केही कुरामा पनि हतार गर्दैनन् । तर यस्ता व्यक्तिहरू बढी नै जिद्दी हुन्छन् । 

गोडा खप्ट्याएर बस्ने

एउटा गोडा अर्कोमा खप्ट्याएर बस्ने मान्छे खुला र लापरवाह किसिमका हुन्छन् । उनीहरू नयाँ नयाँ विचार ल्याउँछन् । भावनात्मक रूपमा उनीहरू कमजोर हुन्छन् । उनीहरू सकारात्मक सोच राख्छन् । यस्ता मानिस सिर्जनात्मक हुन्छन् । जिन्दगीको आनन्द उठाउन उनीहरू चाहन्छन् र घुम्नवर्न उनीहरूलाई खुबै मज्जा लाग्छ । 

घुँडा र गोडालाई सीधा पारेर बस्ने

घुँडा र गोडालाई सीधा जोडेर बस्ने मानिस समयमा चल्न खोज्छन् । उनीहरू आफ्ना भावना अरूका अगाडि व्यक्त गर्न सक्दैनन् र यसैकारण समस्यामा पनि परिरहेका हुन्छन् । त्यसैले गर्दा उनीहरू घरिघरि रिसाउँछन् ।

पाइताला भित्र पारेर बस्ने

पाइतालालाई भित्रपट्टि पारेर बस्ने मानिस आराम खोजिरहन्छन् । यस्ता मानिस प्रायः एक्लै बस्न मन पराउँछन् । उनीहरू आफ्नो वरपरका सबै कुरा पर्फेक्ट चाहन्छन् र यसका लागि कोशिश पनि गर्छन् र सफल हुन्छन् । कुनै निर्णय लिनुअघि उनीहरू सयचोटि सोच्छन् ।

एजेन्सी