काठमाडौं, ६ असार – रेडियो नेपालका अंग्रेजी समाचार वाचक तथा प्रसिद्ध गायक महेन्द्र रायमाझीको आवाजमा रहेको ‘हेर यी आँखामा’ बोलको गीतको म्युजिक भिडियो हालै सार्वजनिक भएको छ ।

युवा गीतकार डीपी खनालको शब्द रचना रहेको यस गीतमा चर्चित संगितकार शंकर थापा ‘स्माइल’ को मिठो संगीत तथा विश्व अधिकारीको संगीत संयोजन रहेको छ ।    

चर्चित नायिका मोडेल एवं नेपाल आइडलकी प्रस्तोता रिमा विश्वकर्मा र प्रतिभाशाली नवकलाकार मिलन खड्काको दमदार अभिनय रहेको यस भिडियोलाई उत्सव दाहालले खिचेका हुन् ।

पछिल्लो पुस्ताका लोकप्रिय निर्देशक युवराज वाइवाले निर्देशन गरेको भिडियोमा सुप्रसिद्ध सम्पादक निशान घिमिरेको सम्पादन रहेको छ भने गीतको अडियो र भिडियोलाई डस म्युजिक प्रा.लिले प्रस्तुत गरेको हो ।

हेर्नुहोस्, भिडियो :