काठमाडौं, ६ असार – नेपाल भ्रमणमा रहेका पाकिस्तानी प्रमुख सेनाध्यक्ष जुबेइर मोहम्मद हायातले आज पाँचखालस्थित वीरेन्द्र शान्ति कार्य तालिम केन्द्रको भ्रमण गरेका छन् ।

प्रधानसेनापति राजेन्द्र क्षत्रीको औपचारिक निमन्त्रणामा नेपाल आएका प्रमुख सेनाध्यक्ष हायातले आजै ऐतिहासिक सिन्धुलीगढीको भ्रमण समेत गरेको नेपाली सेनाको जनसम्पर्क तथा सूचना निर्देशनालयले जनाएको छ ।

प्रमुख सेनाध्यक्ष हायातले हिजो राष्ट्रपति विद्यादेवी भण्डारी र कार्यवाहक प्रधानमन्त्री ईश्वर पोखरेलसँग छुट्टाछुटै भेटवार्ता गरेका थिए ।