डेब्यु चलचित्र फ्लप हुनु हरेक कलाकारका लागि दुखद् कुरा हो ।

कतिपय त डेव्यु चलचित्र फ्लप भएसंगै हराएका पनि छन् । म त तिम्रै हुँबाट रजतपटमा हाम फालेका आकाश श्रेष्ठले पहिलो गाँसमै ढुंगा चपाए । तैपनि, शिशिर राणाले तिमीसँग खेलाए । प्रचार–प्रसारमा उनलाई निकै प्राथमिकता दिइयो । तर यो चलचित्रवाट पनि उनले हावा खाए ।

आफू अभिनित चलचित्र फ्लप माथी फ्लप भैरहेपनि यी हिरोको अझै तीन फिल्म प्रदर्शन हुन बाँकी छन, ड्रिम गर्ल, ब्ल्याक र रामकहानी । यीमध्ये ब्ल्याक र ड्रिम गर्लको प्रदर्शन मिति पटक–पटक सरिरहेर अन्यौलमा छ । यि चलचित्र कहिले प्रर्दशन हुने हुन् एकिन छैन । खासै चर्चा पनि छैन । त्यसैले उनलाई अलिकति वढि भर छ, रामकहानीबाट ।

सुदर्शन थापा निर्देशित उक्त चलचित्रमा उनले पूजा शर्मासँग रोमान्स गरेका छन् । सुर्दशन थापा जस्तो अनुभवी निर्देशकको प्रोजेक्टमा काम गर्ने अवसर पाएकाले पनि आकाशलाई यो चलचित्रवाट अलिकति वढि आशा छ । तर आकाशलाई यो पनि डर छ की फ्लप चलचित्रमा ह्याट्रिक हुने त हैन ?