काठमाडौं, ८ असार – काठमाडौंबाट २८ किलोमिटर पर रहेको नेपाल प्रहरी उच्च माध्यमिक विद्यालयमा रग्बी इन नेपाल छ जसलाई स्टार फ्याक्टरी पनि भनिन्छ ।

त्यहाँ ६० किशोर र ६० किशोरीले वर्षैभरि रग्बी खेल्छन् । त्यसैले गर्दा उनीहरू यस वर्षको अन्डर–१४ राष्ट्रिय उपाधि जित्न सफल भएका हुन् ।

यही विद्यालयबाट नेपाल रग्बीको पहिलो राष्ट्रिय सेभेन्स कप्तान नवीन गिरी आएका हुन् । 

गिरीले सन् २०१६ र सन् २०१७ मा एसिया रग्बी डिभेलोपमेन्ट सेभेन्स प्रतियोगितामा नेपाल पुरुषको सेभेन्स टीमको कप्तानी गरेका थिए र त्यसपछि उनी जापानमा अध्ययन र क्लब रग्बी खेल्न गएका छन् । त्यहाँ उनले टोक्यो क्रुुसेडर्स आरएफसी क्लबमा रग्बी खेल्दैछन् ।

नेपाल प्रहरी उच्च माध्यमिक विद्यालयका प्रमुख प्रशिक्षक विजय कार्कीले विद्यालयमा संरचनागत प्रशिक्षण कार्यक्रम चलाएका छन् र विद्यालयले अर्को राष्ट्रिय कप्तान जन्माउने आशा गरेका छन् । 

उपप्रधानाध्यापक हेम चन्दले तालिम सत्रमा उपस्थिति जनाएर युवा खेलाडीको प्रगतिमा सन्तुष्टि जनाए । रग्बी कार्यक्रमलाई विद्यालयको वार्षिक क्यालेन्डरमा समावेश गरेर थप अन्य खेलाडीलाई प्रतिस्पर्धाको अवसर दिइने बताउँछन् । 
‘हामीहरू प्रतियोगिताको आतिथ्य गर्ने अनि अन्य विद्यालयलाई पनि यहाँ नियमित खेल्न निमन्त्रण गर्नेछौं,’ चन्दले भने ।

नेपाल रग्बी संघका अध्यक्ष टंकलाल घिसिङले हालै नेपाल रग्बी आयोग गठन गरिएको बताए । विद्यालय रग्बी आयोग गठन भएपछि सबै विद्यालयका रग्बी गतिविधिहरूलाई एकीकृत गर्नेछ र देशभरि थप प्रतिस्पर्धात्मक अवसरहरू प्रदान गर्नेछ ।

रग्बी संघले यसै वर्षको अन्त्यमा रग्बी विश्वकप ट्रफी आयोजनाको तयारी गर्दैछ । अनि उसले गेट इन्टु रग्बी महोत्सवहरू आयोजना गरेर विलियम वेब एलिस ट्रफी देशमा आएकोलाई सेलिब्रेट गर्ने योजना पनि बनाइरहेको छ ।

एसियारग्बी डट्कमबाट