बुटवल, १० असार -रूपन्देहीका चार वटा सामुदायिक विद्यालयले यस वर्षको एसईई परीक्षामा उत्कृष्ट नतिजा ल्याएका छन् । बुटवलस्थित कालिका मानव ज्ञान मावि, शान्ति नमूना मावि, कान्ति र नवीन औद्योगिक कदरबहादुर रीता माविले विगतका बर्षहरूमा जस्तै यसबर्ष पनि अब्बल नतिजा ल्याउन सफल भएका हुन् । 

यी चार वटै विद्यालय रुपन्देहीमा चर्चित विद्यालयमा पर्छन ।  कालिका माविबाट सहभागी ३६४ जना जना विद्यार्थी मध्ये १०६ जना ए प्लस, १४७ जना उत्तीर्ण भएका छन । विद्यालयबाट प्राविधिक विषयतर्फ सहभागी विद्यार्थी शौगात पाण्डेले ३.९६ जिपिए ल्याएका छन् । उनको नेपालीको प्रयोगात्मक विषयको अक नराखेर खाली छ । 

त्यसबार आफूले परीक्षा नियन्त्रण कार्यालयलाई जानकारी गराइ सकिएको प्राधानध्यापक घनश्याम पाठकले लोकान्तरलाई जानकारी दिए । उनले प्रयोगगात्मक अंक आएपछि उनको ४ जिपिए पुग्ने पाठकले दाबी गरे । त्यस्तै ए, ८० जना बि प्लस, २९ जना वि र २ जना सि प्लसमा उत्तीर्ण भएका छन् । 

त्यस्तैगरी नवीन औद्योगिक कदरबहादुर रीता माविबाट सहभागी ११२ जना विद्यार्थीमध्ये १९ जना ए प्लस, २९ जना ए, २८ जना वि प्लस, २४ जना वि र ११ जना सि प्लस गरी शत प्रतिश विद्यार्थी उत्तीर्ण भएका छन् । विद्यालयबाट प्राविधिक तर्फका छात्रा विपिन अधिकारीले ३.९२ प्रतिशत ल्याएको प्रअ प्रेममबहादुर बस्नेतले लोकान्तरलाई जानकारी दिए ।  

त्यस्तैगरी कान्ति माविबाट सहभागी २१५ जना विद्यार्थीमध्ये २३ जना ए प्लस, ६७ जना ए, ७३ जना वि प्लस, ३५ जना वि, १६ जना  सि प्लस र १ जना सि ग्रेडमा उत्तीर्ण भएका छन् । विद्यालयका बिपुल न्यौपाने, कृषा श्रेष्ठ र मनिष श्रेष्ठले ३.८५ जिपिए ल्याएर उत्तीर्ण भएका छन् । 

त्यस्तै शान्ति नमूना मावि मणिग्रामबाट सहभागी २७७ जना विद्यार्थी मध्ये ३३ जना ए प्लस, ८३ जना ए, ७७ जना वि प्लस, ५० जना वि, ३० जना सि प्लस र ३ जना सि ग्रेडमा उत्तीर्ण भएका छन् । विद्यालयबाट राजेश खड्का, सागर भट्टराई, सागर क्षेत्रीले ३.९ जिपिए ल्याएका छन् । 

पछिल्ला बर्षमा रूपन्देहीमा निजी विद्यालय छाडेर सामुदायिक विद्यालयमा पढ्न बिद्यार्थीको घुँइचो लाग्ने गरेको छ ।