काठमाडौं ११ असार – हालै सम्पन्न चीन भ्रमणका विषयमा प्रधानमन्त्री केपी शर्मा ओलीले संसद बैठकलाई जानकारी गराउनुहुने भएको छ ।

प्रतिनिधिसभाको सोमवार दिउँसो बस्ने दोस्रो बैठकमा प्रधानमन्त्रीले चीन भ्रमणका बारेमा जानकारी गराउन लाग्नुभएको सभामुख कृष्णबहादुर महराका प्रेस सल्लाहकार डिल्ली मल्लले जानकारी दिए ।

चीन भ्रमणमा जानुपूर्व असार ४ मा प्रधानमन्त्रीले संसदको बैठकलाई सम्बोधन गर्नुभएको थियो ।

चीन भ्रमण सकेर प्रम ओली आइतवार स्वदेश फर्किनुभएको थियो ।

विदेश भ्रमणमा जानुपूर्व र फर्केपछि प्रधानमन्त्रीले सम्बोधन गर्ने संसदीय परम्परा छ ।