कात्तिक १८, २०८०
नेकपा (एकीकृत समाजवादी)का अध्यक्ष माधवकुमार नेपालले कोशी प्रदेशमा सर्वदलीय सरकारको आवश्यकता रहेको बताएका छन् । विराटनगर विमानस्थलमा शनिवार सञ्चारकर्मीहरूसँग कुराकानी गर्दै पूर्वप्रधानमन्त्रीसमेत रहेका न...
काठमाडौं, १८ आसार –सरकारले गत शुक्रवार प्रतिनिधिसभामा दर्ता गरेको राष्ट्रिय चिकित्सा शिक्षा विधेयकमा परिमार्जित विषयवस्तु र प्रक्रियाबारे विपक्षी दलले विरोध जनाएपछि विधेयक अगाडि बढ्न सकेको छैन ।
२० गतेसम्म उक्त विधेयक ऐनको रूपमा आउनुपर्ने भन्दै शिक्षा विज्ञान तथा प्रविधिमन्त्री गिरिराजमणि पोखरेलले शुक्रवार प्रतिनिधि सभामा विधेयक दर्ता गराएका थिए । सरकारले प्रतिस्थापन विधेयक पेश गर्ने समय ६० दिन हुने भएपनि अन्तिम समयमा आएर विधेयक पेश भएको थियो ।
यसअघिको अध्यादेशमा रहेका प्रस्तावना तथा विभिन्न दफाहरू परिवर्तन गरिएको भन्दै प्रमुख प्रतिपक्ष दलले प्रतिनिधिसभा बैठकमा विरोध जनाउँदै आएको छ । विधेयकको विषयमा प्रतिपक्षी दलले विरोध जनाएपछि आइतवारको प्रतिनिधिसभा बैठक स्थगित भएको थियो । यस्तै सोमवारको प्रतिनिधिसभा बैठकमा उक्त विधेयकको विषय कार्यसूचीमा नै राखिएन ।
यी हुन् हटाइएका विषय
दुईपटक अध्यादेशमार्फत जारी भएको उक्त विधेयकमा अध्यादेशमा रहेका प्रस्तावना र विभिन्न दफाका विषय नै हटाइएको छ । चिकित्सा शिक्षा अध्यादेशमा रहेका केही महत्त्वपूर्ण प्रावधान विधेयकमा समेटिएका छैनन् ।
अध्यादेशमा रहेको ‘चिकित्सा शिक्षासम्बन्धी राष्ट्रिय नीति तर्जुमा उच्चस्तरीय कार्यदलको प्रतिवेदनको मर्म र भावना समेतलाई दृष्टिगत गरी गर्ने’ भन्ने शब्दलाई सरकारले शुक्रवार दर्ता गरेको विधेयकबाट हटाएको छ ।
अध्यादेशको परिच्छेद ५ को दफा १३ को सम्बन्धनसम्बन्धी व्यवस्था परिमार्जन गरिएको छ ।
यसअघि अध्यादेशको दफा १३ को उपदफा ५ ख मा ‘अस्पताल सञ्चालन सम्बन्धमा स्वास्थ्य मन्त्रालयको स्वीकृतिपत्र लिई आफ्नै अस्पताल पूर्णरूपमा सञ्चालन गरेको तीन वर्षको अवधि पूरा नभएको’लाई सम्बन्धन नदिइने भनिएको छ । तर शुक्रबार दार्ता भएको विधेयकमा तीन वर्षको अवधिलाई हटाएर ‘प्रचलित कानूनबमोजिम आफ्नै अस्पताल पूर्ण रूपमा सञ्चालन नगरिएको’ मात्रै उल्लेख छ ।
यस्तै यसअघि अध्यादेशको परिच्छेद ५ को दफा १३ को उपदफा ६ मा उल्लेखित ‘यस दफामा अन्यत्र जुनसुकै कुरा लेखिएको भए तापनि एक विश्वविद्यालयले पाँचभन्दा बढी शिक्षण संस्थालाई सम्बन्धन दिनसक्ने छैन,’ भनिएको थियो । तर यसलाई अध्यादेशमा समावेश गरिएको छैन ।
सोही दफाको ७ मा काठमाडौं, ललितपुर र भक्तपुरमा १० वर्ष चिकित्सा शिक्षासम्बन्धी संस्था वा प्रतिष्ठान स्थापना गर्न नदिने व्यवस्था गरेको थियो ।
उपदफा ७ मा ‘यस दफामा अन्यत्र जुनसुकै कुरा लेखिएको भएता पनि काठमाडौं, ललितपुर र भक्तपुर जिल्लाको हकमा यो अध्यादेश प्रारम्भ भएको दश वर्षसम्म कुनै पनि शिक्षण संस्थालाई सम्बन्धन दिइने वा चिकित्सा शिक्षासम्बन्धी कुनै संस्था वा प्रतिष्ठान स्थापना गरिने छैन,’ भनिएको थियो । तर प्रतिस्थापन विधेयकमा यसलाई हटाइएको छ । अध्यादेशमा उल्लेख भएको उपदफा ७ को प्रावधान हटाइएसँगै विधेयक जारी भएमा पूर्वाधार र व्यवस्थापकीय क्षमता भएका नयाँ शैक्षिक कार्यक्रमहरूले सहजै सम्बन्धन पाप्त गर्नेछन् ।
यसैगरी अध्यादेशको दफा १७ को विद्यार्थी भर्ना र शैक्षिक क्यालेन्डरका उपदफाहरूमा पनि परिमार्जन गरिएको छ ।
अध्यादेश १७ को उपदफा ७ मा सार्वजनिक शिक्षण संस्थाले स्नातकोत्तरको कार्यक्रममा सिट संख्याको कम्तीमा पचहत्तर प्रतिशत सिट निःशुल्क छात्रवृत्तिको व्यवस्था गर्नुपर्ने र आयोगको परामर्शमा सिट वृद्धि गर्दै लैजानुपर्ने उल्लेख गरिएको छ । तर विधेयकमा भने निःशुल्क छात्रवृत्तिका लागि आयोगले तोकोको सिटसंख्याअनुसार व्यवस्था गर्नुपर्ने भनिएको छ ।
अध्यादेशमा उल्लेख भएका यी विषयहरू हटाइएपछि प्रमुख प्रतिपक्षी दल नेपाली कांग्रेसले प्रतिनिधिसभा बैठकमा विरोध जनाएको छ । यस्तै मेडिकल शिक्षामा सुधारका लागि आवज उठाउँदै आएका अभियान्ता डा. गोविन्द केसी विधेयकको विरोध गर्दै तीन दिनदेखि जुम्लामा अनशन बसिरहेका छन् ।
नेकपा (एकीकृत समाजवादी)का अध्यक्ष माधवकुमार नेपालले कोशी प्रदेशमा सर्वदलीय सरकारको आवश्यकता रहेको बताएका छन् । विराटनगर विमानस्थलमा शनिवार सञ्चारकर्मीहरूसँग कुराकानी गर्दै पूर्वप्रधानमन्त्रीसमेत रहेका न...
नेपाली कांग्रेसका केन्द्रीय सदस्य डा. चन्द्र भण्डारीले समस्त कांग्रेसजन र नेपाली जनताले डा. शेखर कोइरालालाई एक पटक कांग्रेस सभापति भएको हेर्न चाहेको बताएका छन् । कोइराला वर्तमान र भविष्य हेर्न सक्ने नेता भएको उ...
नेपाली कांग्रेसका केन्द्रीय सदस्य तथा सांसद डा. चन्द्र भण्डारीले पार्टी सभापति शेरबहादुर देउवाले अब नेतृत्व छाड्नुपर्ने बताएका छन् । पार्टीको लुम्बिनी प्रदेश सम्मेलनमा शनिवार बोल्दै भण्डारीले देउवाले अब...
मोहन वैद्यले नेतृत्व गरेको नेकपा (माओवादी क्रान्तिकारी)ले गरेको लालमार्च तथा सभामा कुर्सी हानाहान भएको छ । क्रान्तिकारीले १३१ औं माओ दिवसका अवसरमा काठमाडौंको शान्ति वाटिकामा गरेको मार्चपासमा कुर्सी हानाहान...
दशैं वरिपरि मुलुकमा केही राजनीतिक परिदृश्यहरू देखिए । दशैंको रौनकसँगै पूर्वमा कोशीको छालले केही तरंग ल्यायो । कोशी प्रदेशमा कांग्रेसभित्रको ‘अर्ध विद्रोह’ले पाँच दलीय गठबन्धनमात्रै धर्मराएन, कांग्र...
नेपाली कांग्रेसका नेता डा. शेखर कोइरालाले आफ्नो समूहको बैठक बोलाएका छन् । आगामी महासमिति बैठकसहितका विषयमा छलफल गर्न कोइरालाले आगामी मंगलवार समूहको बैठक बोलाएका नेता डा. गोविन्दर...
हामी १५औं अन्त्य गरेर १६औं योजनाको तयारीमा जाँदै छौं । दलका शीर्ष नेताबीच १६औं योजनाको विषयमा छलफल भएको छ । १५औं योजनाको असफलता र नमिलेका कुरालाई १६औं मा सुधार्छौं । हाम्रो गन्तव्य कहाँ हो भन्ने संविधानले ...
सच्चा लोकतन्त्रमा सिमान्तमा रहेको नागरिकले पनि यो देश मेरो हो भन्ने अनुभूति गर्न सक्नेछ- माहात्मा गान्धी । माथि गान्धीको भनाइ किन उद्धृत गरिएको हो भने नयाँ वर्षको आगमन भैसकेको छ र २०८० को बिदाइ बडो हर्षपूर्वक...
एक दिन काम विशेषले नयाँ सडकतिर गएको थिएँ, मोबाइल टिङटिङ गर्यो । हेरेँ पुराना मित्र जयदेव भट्टराई, सम्पादक मधुपर्क (हाल अवकाश प्राप्त) ले सम्झेका रहेछन् । हामी दुई लामो समयसम्म सँगै रह्यौँ, कहिले गोरखापत्र...