काठमाडौं – चीनका मानवअधिकार कार्यकर्ता लियु शियाबाओकी पत्नी लियु शियालाई चीनमा आठ वर्षसम्म नजरबन्द राखिएपछि रिहा गरिएको छ । 
उनी अहिले जर्मनी पुगेकी छन् । 

लियु सियाबाओलाई सन् २०१० मा नोबेल शान्ति पुरस्कार दिइँदा उनकी पत्नी ५७ वर्षीया कवयित्रीलाई नजरबन्दमा राखिएको थियो । उनीमाथि कुनै पनि गतिविधि गर्न मनाही थियो र अनेकौं कठोर प्रतिबन्ध लगाइएको थियो । 

चीनबाट बाहिर जाने अनुमति पाएपछि लियु बर्लिन पुगिन् । जर्मनीकी नोबेल पुरस्कार विजेता हर्टा मुलरसहित अनेकौैं मानिस विमानस्थलमा उनको स्वागतका लागि उपस्थित थिए । उनी विमानबाट उत्रनेबित्तिकै मानिसले उनको नाममा नारा लगाए ।

तर लियु तत्कालै एउटा कालो गाडीमा चढेर कुनै टिप्पणी नगरी त्यहाँबाट गइन् । 

लियुका पति शियाबाओ सन् १९८९ मा भएको तियानानमेनमा भएको प्रदर्शनमा अग्रपंक्तिमा थिए । राष्ट्रविरोधी कारवाही गरेको आरोपमा ११ वर्षको कारागार सजाय काटिरहेका शियाबाओको अघिल्लो वर्ष क्यान्सरका कारण निधन भएको
थियो ।

एजेन्सी
 

---

ADVERTISEMENT

---

असार २८, २०७५ मा प्रकाशित