राजनीतिक संरक्षणमा सामूहिक बलात्कारपछि हत्याका आरोपीलाई उन्मुक्ति दिन खोजेको परिवारको आरोप

असार २८, २०७५

धनगढी–सामूहिक बलात्कारपछि हत्याका अभियुक्तहरुलाई उन्मुक्ति दिन खोजेको भन्दै पीडित परिवारले आशंका गरेका छन् ।

कैलाली गौरीगंगा नगरपालिका–११ कि २१ वर्षीया माया बिकको गत असार १२ गते सामूहिक बलात्कारपछि हत्या भएको थियो । हत्यामा संलग्न रहेको भन्दै प्रहरीले पाँच जनामाथि मुद्धा चलाएको छ ।


तर पीडित परिवारले घटनामा संलग्नहरुलाई राजनीतिक संरक्षण भैरहेको र उन्मुक्ति दिने चलखेल भैरहको भन्दै आंशका व्यक्त गरेका हुन् । 

आज धनगढीमा आयोजित पत्रकार सम्मेलनमा मृतक मायाकी आमा देउसरा विकले भनिन्–‘जो घटनाको मूख्य योजनाकार हो, उसैलाई राजनीतिक संरक्षण दिने काम हुँदैछ । राज्यले अपराधीहरुलाई कानुनी कारवाही गर्न सक्दैन भने उनीहरुलाई खुला गरोस् । हामी आफ्नै तरिकाले कारवाही गर्छौं र कानून नै हातमा लिन्छौं ।’

सत्यतथ्य छानविन गरी घटनाका दोषिलाई हदैसम्मको कारवाही गर्नुपर्ने पीडित परिवारको माग छ । 

घटनामा संलग्न रहेको भन्दै प्रहरीले घटनाको मुख्य योजनाकार भन्दै गौरीगंगा नगरपालिका–११ शिवपुरका ३० वर्षीय गणेश बडुवालसहित पाँच जनालाई नियन्त्रणमा लिएको छ । त्यस्तै, शिवपुरकै २७ वर्षीय मनोज बोगटी, गौरीगंगा नपा–११ ऐठाका २१ वर्षीय सुरज चौधरी, शिवपुरकै २० वर्षीय भुवन खाती र १९ वर्षीय तपेन्द्र बोगटी विरुद्ध सामूहिक बलात्कार र कर्तव्य ज्यान अन्तरगत जाहेरी दर्ता गरी अनुसन्धान थालिएको छ ।

गौरीगंगा नगरपालिका अन्तर्गत वडा कार्यालयमा तथ्यांक सर्वेक्षणमा करारमा कार्यरत माया तथ्यांक संकलनका लागि भनेर घरबाट निस्केकी थिइन् ।

उनीसँगै बडुवाल र सुरज चौधरी पनि काम गर्थे । बडुवालले असार ८ गते नै मायालाई सेक्सको लागि प्रस्ताव राखेका थिए । तर, मायाले अस्वीकार गरेपछि बलात्कार गर्ने योजना बनाएको कैलालीका प्रहरी उपरिक्षक विनोद घिमिरेले बताए ।

असार १२ गतेदेखि वेपत्ता रहेकी मायाको शव प्रहरीले असार १५ गते नजिककैको चपरथली सामुदायिक वनमा फेला परेको थियो ।
 

असार २८, २०७५ मा प्रकाशित

लखन चाैधरी

लखन चौधरी लोकान्तरका लागि प्रदेश नम्बर ७ का प्रतिनिधि हुन् । 

लेखकबाट थप...

प्रतिक्रिया दिनुहोस