उपकुलपति कोइरालाको क्यानडा भ्रमण स्थगन् न्यायपूर्ण भएको प्राध्यापक सङ्गठनहरुको दाबी

असार २८, २०७५

काठमाडौं, २८ असार–नेपाल प्रगतिशील प्राध्यापक संगठन, नेपाल राष्ट्रिय प्राध्यापक संगठन र नेपाल राष्ट्रिय प्राध्यापक संगठनले संस्कृत विश्वविद्यालयका उपकुलपति प्रा.डा कुलप्रसाद कोईरालाको क्यानडा भ्रमण स्थगन न्यायपूर्ण रहेको बताएका छन् । 

रिपोर्टर्स क्लब नेपालमा बिहीबार पत्रकार सम्मेलन गरेर नियूक्ति भएदेखिनै उपकुलपति डा.कोइरालाले विश्वविद्यालयको ऐन नियम विपरित काम गर्दै आएको भन्दै उनीमाथि छानविनको माग समेत गरेका छन् । 

शिक्षाध्यक्ष प्रा. रमेशप्रसाद ढकालले संस्कृत विश्वविद्यालयका उपकुलपति प्रा.डा कुलप्रसाद कोइरालालाई कुलपतिसँग भेटेर क्यानडामा हुने विश्व संस्कृत सम्मेलनका बारेमा जानकारी दिनुहोस् भन्दा नमानेको आरोप लगाए् । 

उनले भने,‘उहाँले विश्वविद्यायलको ऐन नियमलाई ख्याल गर्नुभएन, आफु निकटका १८ जनालाई भिसा दिनुपर्ने भनेर पठाएको पत्र रोकिएपछि मात्र यो विषय बाहिर आएको थियो, १८ जनामा ६ जनाको मात्रै भिसा आएको थियो त्यसमा उपकुलपतिको भिसा रद्द भएको थियो, त्यसपछि दोस्रोपटक अनुरोधपछि उहाँको भिसा आएको थियो, कुलपतिबाट पूर्व स्वीकृत लिनुपर्ने ऐनमा भएका ब्यबस्थाहरुको पालना नगरेको र निमित्त ब्यक्ति नतोकेको स्थितिमा यो परिस्थिति सिर्जना भएको हो ।’

कार्यक्रममा राष्ट्रिय प्राध्यापक संगठनका सह–संयोजक प्रा.डा. रमेश प्रसाद भट्टराईले उपकुलपति बन्नको लागि प्राज्ञिक आचरण पनि हुनुपर्नेमा जोड दिएका छन् । 

उनले भने,‘प्राज्ञिक स्वतन्त्रता भनेको अराजकता सिर्जना गर्नु होईन, ऐन नियम विपरित काम गर्नु होईन, तीन वर्षको अवधिमा उहाँले धेरै कामहरु ऐन विपरित गर्नु भएको छ ।’

कार्यक्रममा पूर्व रजिष्ट्रार प्रा.जगत प्रसाद उपाध्याय, पूर्व अन्तर्राष्ट्रिय सम्बन्ध महाशाखाका प्रमुख सह–प्राध्यापक कृष्ण पौडेल, प्रगतिशील प्राध्यापक संगठनका उपाध्यक्ष तथा सह–प्राध्यापक डा.कृष्ण न्यौपाने, उपमहासचिव

चन्द्र प्रसाद ढकाल, सचिव राम कुमार राई, राष्ट्रिय प्राध्यापक संगठनका उपाध्यक्ष प्रा. श्रीधर अधिकारी लगायतले आफ्ना कुराहरु राखेका थिए। 
 

असार २८, २०७५ मा प्रकाशित

प्रतिक्रिया दिनुहोस