धनगढी – कैलालीको दक्षिणी नेपाल–भारत सीमावर्ती क्षेत्रमा जंगली हात्तीले आतंक मचाउन थालेका छन् ।

जिल्लाको कैलारी गाउँपालिका–७ मिलनपुर र विपतपुर मुक्तकमैया शिविरमा शुक्रबार राति हात्तीको झुण्डले स्थानीयको घरटहरा भत्काएको छ । 

ईलाका प्रहरी कार्यालय हसुलियाका इन्चार्ज रामचन्द्र पन्तका अनुसार भारतको दुधुवा नेसनल पार्कबाट बच्चासहित आएका १५–२० वटा हात्तीको झुण्डले शिविरका मुक्तकमैया कालुराम चौधरीको घर भत्काएको छ । राति करीब २–३ बजेको समयमा हात्तीको झुण्ड गाउँ पसेको थियो । गाउँलेले होहल्ला गरेपछि हात्ती पुनः दुधुवा नेसनल पार्कतिर फर्केका जनाइएको छ ।

वसन्ता जैविक मार्ग क्षेत्र आसपास बर्सेनि हात्तीले आतंक सिर्जना गर्दै आएका छन् । घर भत्काउनु, अन्नबालीमा नोक्सानी पु¥याउँदै आएका छन् । संरक्षणकर्मीका अनुसार जैविक मार्ग जंगली जनावरको ओहोरदोहोर गर्ने मार्ग हो । पछिल्लो समय मानव वस्ती बसेपछि जंगली जनावर र मानवबीच द्वन्द्व सिर्जना हुँदै आएको हो ।