शौचालयमा खसेको फोन निकाल्न खोज्दा हातै फस्यो, बोलाउनुप–यो उद्धारकर्मी

साउन १, २०७५

काठमाडौं – भारतको मुम्बईस्थित कुर्लामा एक किशोरको फोन शौचालयको दुलोमा पसेपछि उनले हात छिराएर निकाल्ने कोशिश गरे । तर यसक्रममा उनको हात त्यहीँ फस्यो । 

उनको हात निकाल्नका लागि उद्धारकर्मीलाई बोलाउनुप–यो । हात त निकालियो तर फोन चाहिँ निकाल्न सकिएन ।

रोहित राजभार मुम्बईमा आफ्ना अंकल लालमणि वर्माको घरमा आएका थिए । चौथो तल्लामा बनेको अपार्टमेन्टमा उनी इन्डियन स्टाइलको ट्वाइलेटमा फोन चलाइरहेका थिए । बिहान आठ बजे फोन उनको हातबाट चिप्लिएर शौचालयको प्वालमा खस्यो ।

रोहितले तत्कालै त्यसलाई निकाल्ने कोशिश गरे तर सानो प्वालमा उसले लगाएको फलामको चुरा फस्यो । जति गर्दा पनि हात ननिस्केपछि उसले अर्को हातले बल्लबल्ल ढोका खोलेर अरू मानिसलाई बोलायो । उसका परिवारका सदस्य र
छिमेकीहरूले सहायता गर्न खोजे पनि केही सीप लागेन ।

अनि उद्धारकर्मीहरूलाई बोलाइयो । उनीहरूले प्वालबाट रोहितको हात निकाले । 

रोहितलाई नाडीमा चर्को पीडा भयो । उसलाई अस्पताल लगियो र चिकित्सकहरूले एक्सरे गरे । तर उसको हातको हाड भाँचिएको देखिएन ।

पेनकिलर दिएर उसलाई केही मिनेटमै डिस्चार्ज गरियो । उसको स्मार्टफोन चाहिँ शौचालयमै हरायो । उद्धारका क्रममा त्यो फोन ड्रेनमा खसेछ ।

एजेन्सी
 


ADVERTISEMENT

साउन १, २०७५ मा प्रकाशित

प्रतिक्रिया दिनुहोस