काठमाडौं– विभिन्न राजमार्ग तथा सडक छेउमा रहेका होटलले खाना तथा नास्तामा दोब्बर मूल्य लिएको जन गुनासोप्रति सरकारले चासो देखाएको छ । 

गृह मन्त्रालयले सूचना जारी गर्दै विभिन्न राजमार्ग, लोकमार्ग, जिल्ला सडक एवम् सहायक सडक छेउमा रहेका होटलले खाना तथा नास्तामा दोब्बर मूल्य लिएको गनुसो आएपछि अनुगमन गरी प्रचलित बजार मूल्य भन्दा बढी नलिने व्यवस्था मिलाउन सम्बन्धित जिल्ला प्रशासन कार्यालयलाई निर्देशन दिएको हो । 

सडक छेउका होटलहरूले जभाभावी मूल्य लिएपछि यात्रुहरूले हेल्लो सरकारमा गुनासो गरेका आधारमा गृहमन्त्रालयले यस्तो कदम चालेको हो । विशेष गरी नारायणगढ–मुग्लिन सडकखण्डमा खाना नास्ताको मूल्य बढी लिने गरेको यात्रुको गुनासो छ ।