काठमाडौं- राजधानी काठमाडौं उपत्यकाका तीनवटै जिल्ला काठमाडौं, भक्तपुर र ललितपुरमा मंगलवारदेखि दिउसोको समयमा टिप्पर चल्न बन्द भएको छ । 

गृह मन्त्रालयको निर्देशन अनुसार आजदेखि राती ८ बजेदेखि बिहान ५ बजेसम्म मात्र टिप्पर चल्न पाउने छन् । टिप्परसंगै ठूला ट्रकहरुलाई पनि दिउँसोको समयमा चल्न रोक लगाइएको छ । 

टिप्परका कारण सडक दुर्घटना बढेको भन्दै मन्त्रालयले केही दिन पहिले तीनवटै जिल्ला प्रशासन कार्यालय र ट्राफिक प्रहरीलाई दिउसोको समयमा टिप्पर चलाउन रोक लगाउने निर्देशन दिएको थियो । 

दिउँसोको समयमा सडकमा टिप्पर नचल्दा सवारी आवागमन केही सहज भएको ट्राफिक प्रहरीले जनाएको छ । आजदेखि दिउँसोमा थल्न नपाउने थाहा नपाएको भन्दै फाट्टफुट्ट सडकमा देखिएको प्रहरीले बताएको छ ।