काठमाडौं– पूर्वप्रधानमन्त्री तथा नयाँ शक्ति पार्टीका संयोजक डा. बाबुराम भट्टराई प्राज्ञिक भ्रमणका लागि आज रुस जाँदैछन् । भ्रमणका क्रममा उनी रुस हुँदै युरोपका विभिन्न देशहरु (स्वीडेन, जर्मनी, बेल्जियम, फ्रान्स, इटली लगायत) पुग्नु कार्यक्रम रहेको छ । 

भ्रमणका क्रममा उनले प्रवुद्ध मण्डल, चिन्तक, प्राध्यापक, विद्यार्थी तथा प्राज्ञिक व्यक्तित्वहरुसँग भेटघाट, अन्तरक्रिया तथा छलफल गर्ने बताइएको छ । भ्रमणलाई भट्टराईले आफ्नो ज्ञानको दायरा फराकिलो पार्ने र आफ्नो अनुभव आदानप्रदान गर्नमा उपयोग गर्नेछन् । 

भ्रमणकै क्रममा उनी गैह्र आवासीय नेपाली संघको निमन्त्रणामा साउन १३ गतेदेखि लक्जमवर्गमा हुने गैह्र आवासीय नेपाली संघको युरोपीय क्षेत्रीय वैठकमा पनि सहभागी हुनुछन् । 

त्यस्तै उनले जर्मनीमा रहेका नेपालीहसँग पनि अन्तरक्रिया गर्ने छन् । भ्रमणमा पूर्वमन्त्री तथा नयाँ शक्ति पार्टीकी नेतृ हिसिला यमी पनि सँगै जानेछिन् । भ्रमण पूरा गरी उनी साउन २३ गते काठमाडौं फर्कने कार्यक्रम रहेको छ ।