काठमाडौं – सन् २०१७ को जनवरी २० मा अमेरिकाको राष्ट्रपति भएदेखि डोनल्ड ट्रम्पले १ जुलाई २०१८ सम्म १९ सय २५ वटा झुटा दाबी गरेको क्यानडाको प्रसिद्ध टोरन्टो स्टार पत्रिकाले छापेको छ । 

ट्रम्पका हरेक झुटो दाबीको विवरण दिँदै पत्रिकाले यो संख्या देखाएको हो । 

विगत १८ महिनामा ट्रम्पले कुल १३ लाख ४० हजार ३३० शब्द सार्वजनिक रूपमा बोलेका छन् जसमा ५.१ प्रतिशत शब्द झुटा छन् । सन् २०१७ को औति हेर्दा ट्रम्पले दिनदिनै लगभग २.१ झुटा दाबी गरे । यो वर्ष चाहिँ औसत बढेर ५.१ भ्यो
अर्थात् ट्रम्पले जे भन्छन् त्यसको १४ मध्ये एक शब्द झुटो हुन्छ । 

पत्रिकाका अनुसार, ट्रम्पले सबभन्दा धेरै ६४८ चोटि झुटो भाषणका क्रममा बोलेका छन् । अन्तर्वार्तामा ३८० चोटि, अनौपचारिक बयानमा ३९६ चोटि, ट्विटरमा ३३० चोटि र पत्रकार सम्मेलनमा १९२ चोटि झुट बोलिएको छ । यसबाहेक अन्य ६
अवसरमा उनले झुटो दाबी गरेका छन् ।

एजेन्सी