जान्नुहोस् अफ्रिकाका बारेमा केही रोचक तथ्य !

साउन ६, २०७५

अफ्रिकाका बारेमा तपाईंले धेरै कुरा सुन्नुभएको होला तर यहाँ हामीले जानकारी दिन लागेका तथ्यले त तपाईंलाई तीनछक्कै पार्नेछन् । तपाईंले यसअघि शायद यी तथ्य पढ्नुभएको थिएन होला ।

सन् १९९८ मा अफ्रिकी मुलुक कंगोको कसाइ प्रान्तमा भइरहेको फूटबल म्याचको बेलामा चट्याङ खस्दा एक टिमका सबै ११ खेलाडीको मृत्यु भयो । अचम्मको कुरा त अर्को टिमको एउटा पनि खेलाडीलाई केही भएन । यसमा टुनामुना भएको आरोप लागेको थियो ।


ADVERTISEMENT

समुद्री घोडा अफ्रिकाको सबभन्दा खतरनाक जनावर हो । यसले सिंह र गोहीभन्दा पनि धेरैचोटि मान्छेलाई आक्रमण गरेर सिध्याउँछ ।

अफ्रिकामा मुर्सी नामक जनजाति छ जहाँका महिलाहरू ओठमा पाँच इन्च ठूलो प्लेट झुण्ड्याउँछन् ।

संसारका जीवजन्तुहरूका सबभन्दा धेरै प्रजाति अफ्रिकामा पाइन्छन् । यहाँ भेटिने हात्ती र जिराफ अन्य देशमा पाइनेभन्दा अग्ला हुन्छन् ।

फेसबूकमा भएका १० करोड युजर अफ्रिकामै छन् ।

अफ्रिकाको कारुइन विश्वविद्यालय संसारकै सबभन्दा पुरानो विश्वविद्यालयमध्ये एक हो । यसको स्थापना ८५९ इस्वी संवतमा भएको थियो ।

संसारको सबभन्दा ठूलो मरुभूमि अफ्रिकामै छ । उत्तरी अफ्रिकामा रहेको सहारा मरुभूमि करीब नौ लाख वर्गकिलोमिटरमा फैलिएको छ ।

अफ्रिकाको कुल जनसंख्याको ६५ प्रतिशत ३५ भन्दा पनि कम उमेरको छ भने कुनै देशको ५० प्रतिशत जनसंख्या त २५ वर्षभन्दा पनि कम उमेरको छ ।

अफ्रिकामा बालश्रम अत्यधिक हुन्छ । यहाँ तीन हजारभन्दा बढी कबिला छन् र यहाँ ४१ प्रतिशत बच्चाहरू बालश्रमको शिकार छन् । तिनको उमेर पाँचदेखि १४ वर्ष छ ।

अफ्रिकामा एड्स भएका मानिस थुप्रै छन् । स्वाजिल्यान्ड भन्ने देशमा त हरेक चौथो व्यक्ति एड्सपीडित छ ।

दक्षिण अफ्रिकामा कुल ११ आधिकारिक भाषा छन् र यही कारण यसलाई इन्द्रधनुषी देश भनी चिनिन्छ ।

एजेन्सी

साउन ६, २०७५ मा प्रकाशित

प्रतिक्रिया दिनुहोस

ताजा समाचार