काठमाडौं– जर्मनीका मिडफिल्डर मेसुट ओजिलले अन्तर्राष्ट्रिय फुटबलबाट सन्यासको घोषणा गरेका छन् । 

इंग्लिस क्लब आर्सनलबाट व्यवसायिक फुटबल खेल्दै आएका ओजिलले आइतबार राति एक विज्ञप्ति निकाल्दै भारी हृदय, धेरै सोचविचार र पछिल्लो घटनाक्रमले आफूले जर्मनीबाट अन्तर्राष्ट्रिय खेल नखेल्ने निर्णय गरेको बताएका छन् । 

पछिल्लो समय रूसमा सम्पन्न विश्वकपमा सोचे अनुसारको प्रदर्शन गर्न नसकेपछि जर्मनीसहित उनले आलोचना खेपेका थिए । सन् २०१४ को विश्वकप जित्दा जर्मनीका मिडफिल्डर मेसुट ओजिलको महत्वपूर्ण भूमिका रहेको थियो । ओजिलले पाँच पटकसम्म जर्मन प्लेयर अफ दि इयर भएका थिए । 

जर्मनीबाट ओजिलले सन् २०१२ र २०१६ को युरोकप समेत खेलेका छन् ।