काठमाडौं– चिकित्सा शिक्षा सुधार लगायतका माग राखेर अनसनमा बसेका डा. गोविन्द केसीको अनशन आज २४ औं दिनमा पुगेको छ । यसअघि ११ औं अनशनका समयमा डा. केसी सबैभन्दा बढी २३ दिनसम्म अनशन बसेका थिए । 

अहिले उनी १५ औं अनशनमा छन् । डा. केसीले असार १६ गते जुम्लाबाट अनशन शुरु गरेका हुन् । जुम्लामा स्वास्थ्य उपचार गर्ने पर्याप्त व्यवस्था नभएपछि सरकारले उनलाई बिहीबार जबरजस्ती काठमाडौंमा ल्याएको थियो । 

सरकारले डा. केसीको मागका विषयमा पर्याप्त चासो नदिँदा उनको स्वास्थ्य गम्भिर बन्दै गइरहेको भन्दै दैनिकजसो विरोध प्रदर्शन भइरहेका छन् ।