काठमाडौं– कर्णाली स्वास्थ्य विज्ञान प्रतिष्ठान जुम्लामा भएको झडपको घटना छानविन गर्न डीआइजी नेतृत्वको प्रहरी टोली जुम्ला पुगेको छ । नेपाल प्रहरीका डीआइजी सुरेन्द्र विक्रम शाह, एसपी केदार रजौरे र डीएसपी चुडामणी बुढाथोकीको तीन सदस्यीय छानविन टोली जुम्ला पुगेको हो । 

टोलीले असार १६ गतेदेखि काठमाडौं ल्याउने दिन गत बिहीवारसम्मको अध्ययन गर्नेछ । डा. केसीलाई काठमाडौं ल्याउने क्रममा गत बिहीवार भएको झडपमा प्रहरी, चिकित्सक, विद्यार्थी र केसी समर्थक समेत गरी २५ जना बढी घाइते भएका थिए भने कर्णाली स्वास्थ्य विज्ञान प्रतिष्ठानको भौतिक संरचनामा पनि ठूलो क्षति पुगेको थियो ।