मंसिर ४, २०८०
कर्मचारीलाई तलब खुवाउन समेत नसक्ने अवस्थाबाट गुज्रेको नेपाल वायु सेवा निगम (एनएसी)ले आर्थिक अवस्था सुधारेर अन्तर्राष्ट्रिय उडानका लागि विमान खरिद गर्दा लिएको ऋणको किस्ता तिर्न शुरू गरेको छ । लामो समय घाटामा रहे...
काठमाडौं– पछिल्ला वर्षहरुमा बिलासी वस्तुको रुपमा लिइने सवारीसाधनको आयातमा ह्वात्तै बृद्धि भएको छ । आयातमा भएका सवारीमा मोटरसाइकलको माग सबैभन्दा बढी रहेको छ ।
यातायात व्यवस्था विभागको तथ्याङ्कअनुसार आर्थिक वर्ष २०४६/०४७ देखि २०७४/०७५ को दोस्रो चौमासिकसम्ममा ३० लाख ५२ हजार ३ सय ९७ वटा सवारीसाधन आयात भएका छन् ।
२८ वर्ष अगाडी आर्थिक वर्ष २०४७/०४८ मा १३ हजार एक सय ४९ थान सवारी साधन आयात भएकोमा आर्थिक वर्ष २०७३/०७४ सम्ममा बढेर वार्षिक दर्ता संख्या चार लाख ४४ हजार २ सय ५९ पुगेको छ । यद्यपि गत आर्थिक वर्ष २०७४/०७५ को दोस्रो चौमासिकको तथ्याङ्कअनुसार फागुनसम्ममा २ लाख ६८ हजार ९ सय ६९ सवारी साधन दर्ता भएको विभागले जनाएको छ । गत आर्थिक वर्षमा अघिल्लो आर्थिक वर्षको तुलनामा केही कम सवारी आयात भएको विभागले जानकारी दिएको छ ।
विभागको तथ्याङ्कअनुसार पछिल्ला ४ आर्थिक वर्षका तुलना गर्दा क्रमशः सवारी साधन आयातको संख्या बढेको देखिन्छ । जसमा आर्थिक वर्ष २०७०/०७१ मा १ लाख ९८ हजार ३ सय ४३ थान सवारी साधन आयात भएका थिए भने त्यसको अर्को वर्ष आर्थिक वर्ष २०७१/०७२ मा २ लाख ३९ हजार ५ सय ८३ थान सवारी आयात भइ विभागमा दर्ता भएका छन् ।
यसैगरी आर्थिक वर्ष २०७२/०७३ मा ३ लाख ४३ हजार ७ सय ६५ थान सवारी नेपालमा आयातमा भएकोमा आर्थिक वर्ष २०७३/०७४ मा १ लाख ४ सय ९४ थान सवारी साधन बढी आयात भएको विभागको तथ्याङ्कले देखाएको छ । यस्तै अघिल्लो आर्थिक वर्ष २०७४/०७५ मा २ लाख ६८ हजार ९ सय ६९ सवारी साधन दर्ता भएको विभागले जनाएको छ ।
तथ्याङ्कअनुसार संख्यात्मक हिसाबले सबैभन्दा बढी मोटरसाइकल आयात भइ दर्ता भएका छन् । आर्थिक वर्ष ०४६/४७ सम्म भित्रिएका ७६ हजार ३ सय ८७ सवारीसाधनमध्ये मोटरसाइकलको संख्या ३४ हजार ५ सय ७६ थियो । अर्को आर्थिक वर्ष ०४७/४८ मा भित्रिएका १३ हजारमध्ये मोटरसाइकलको संख्या ५ हजार सात रहेको तथ्याङ्कमा उल्लेख छ । त्यस्तै, पछिल्लो वर्षको तथ्याङ्क हेर्दा आयात भएको कुल सवारीसाधनमा मोटरसाइकलकै हिस्सा बढी छ ।
आर्थिक वर्ष २०७३/०७४ मा ४ लाख ४४ हजार दुई सय ५९ वटा यातायातका साधन भित्रिँदा ३ लाख ५४ हजार ७६ थान मोटरसाइकल आयात भई दर्ता भएका छन् भने सबैभन्दा कम ८ सय ४१ थान माइक्रो आयात गरिएको छ । यसैगरी ५ हजार ३ सय ४२ थान बस, २ हजार ८ थान मिनिबस र मिनिट्रक, १२ हजार ७ सय १२ थान एक्साभेटर २१ हजार २ सय ९२ थान कार तथा जिप, १० हजार ६७५ थान पिकअप भ्यान, १७ हजार ७ सय ८२ थान टेम्पो, १७ हजार ८५ थान पावरटेल (कृषिजन्य काममा प्रयोग हुने ट्याक्टर) २ हजार २ सय ४७ इलेक्ट्रोनिक रिक्सा तथा २ सय ४ थान अन्य सवारी साधन आयात भएका छन् ।
गत आर्थिक वर्ष फागुनसम्ममा भित्रिएका कूल २ लाख ६८ हजार ९ सय ६९ सवारीमा पनि मोटरसाइकलकै संख्या बढी छ । २ लाख १६ हजार ८ सय ५८ थान मोटरसाइकल आयात भइ दर्ता भएका छन् भने १४ हजार ३ सय ४५ थान कार तथा जिप दर्ता भएको विभागको तथ्याङ्कले देखाएको छ ।
हालसम्म भित्रिएका कुल ३० लाख ५२ हजार ३ सय ९७ सवारी साधनमध्ये मोटरसाइकलको संख्या २४ लाख ५ हजार ९ सय ५७ छ । मोटरसाइकललाई पछ्याउँदै कार/जिप/भ्यान आयात भएको छ । यसको संख्या २ लाख २७ हजार ६ सय ६५ पुगेको छ । बिलासी साधनको रुपमा लिइएको कारको संख्या पछि कृषिमा प्रयोग हुने ट्याक्टर, पावर टेलर संख्या उल्लेख्य छ । २८ वर्षको अवधिमा ट्याक्टर, पावर टेलर एक लाख लाख ३० हजार पाँच सय ६६ आयात भएको तथ्याङ्क छ ।
हालसम्म भित्रिएका सवारीमध्ये ४८ हजार ४ सय ९८ वटा बस छन् । पिक अप भ्यानको संख्या ५१ हजार ९० छ । विकास निर्माणमा प्रयोग हुने क्रेनर/डोजर एक्सक्याभेटर ८३ हजार ७ सय १० आयात भएका छन् । त्यसैगरी, उपत्यकामा सबैभन्दा धेरै चल्ने टेप्पो ३९ हजार ५ सय ७५ आयात भएका छन् । यसैगरी मिनिबस र मिनि ट्रक २४ हजार ८ सय ७४ थान आयात भएको विभागको तथ्याङ्कले देखाएको छ ।
विभागका अनुसार सबैभन्दा धेरै बागमती अञ्चल यातायात व्यवस्था कार्यालयमा दर्ता भएका छन् भने सबैभन्दा कम सवारी कर्णालीमा दर्ता भएका छन् ।
कर्मचारीलाई तलब खुवाउन समेत नसक्ने अवस्थाबाट गुज्रेको नेपाल वायु सेवा निगम (एनएसी)ले आर्थिक अवस्था सुधारेर अन्तर्राष्ट्रिय उडानका लागि विमान खरिद गर्दा लिएको ऋणको किस्ता तिर्न शुरू गरेको छ । लामो समय घाटामा रहे...
काभ्रेपलाञ्चोकको पाँचखाल नगरपालिकाका प्रमुख महेश खरेलले झन्डै १ अर्बको प्रोजेक्टमा नेपाल महिला उद्यमी महासंघसँगको पूर्वसम्झौता उल्लंघन गर्दै आफ्नी जेठीसासू अध्यक्ष रहेको संस्थासँग सम्झौता गरेको पाइएको छ । महिला ...
राष्ट्रिय स्वतन्त्र पार्टीका सभापति रवि लामिछाने र सोही पार्टीका नेता समेत रहेका पूर्व बैंकर अनिल केशरी शाहले 'चेक क्लियरिङ'का सम्बन्धमा गरेको दाबीमा गम्भीर प्रश्न उठेको छ । सहकारी ठगी प्रकरणमा प्रस्टीकर...
नेपाल राष्ट्र बैंकले मंगलबारका लागि तोकेको विदेशी मुद्राको विनिमयदर अनुसार अमेरिकी डलर एकको खरिददर १३३ रुपैयाँ ०४ पैसा र बिक्रीदर १३३ रुपैयाँ ६४ पैसा रहेको छ । यसैगरी युरो एकको खरिददर १४२ रुपैयाँ १६ पै...
शनिवार राष्ट्रपति रामचन्द्र पौडेलले नेपाल उद्योग परिसंघ (सीएनआई)द्वारा विराटनगरमा आयोजित कोशी प्रदेशको दोस्रो पदस्थापन समारोह कार्यक्रममा नेपालको अर्थतन्त्रमा देखिएको समस्याबारे आफू गम्भीर रहेको बताए । उनले आन्त...
विज्ञ समूहले दिएको सुझावसहितको प्रतिवेदन सम्बन्धमा मन्त्रिपरिषद्ले निर्णय गर्न ढिला गर्दा निजगढ विमानस्थल निर्माणको काम प्रभावित भएको छ । निजगढमा विमानस्थल बनाउन उपयुक्त रहेको भनेर विज्ञ समूहले प्रतिवेदन दिएको ए...
हामी १५औं अन्त्य गरेर १६औं योजनाको तयारीमा जाँदै छौं । दलका शीर्ष नेताबीच १६औं योजनाको विषयमा छलफल भएको छ । १५औं योजनाको असफलता र नमिलेका कुरालाई १६औं मा सुधार्छौं । हाम्रो गन्तव्य कहाँ हो भन्ने संविधानले ...
सच्चा लोकतन्त्रमा सिमान्तमा रहेको नागरिकले पनि यो देश मेरो हो भन्ने अनुभूति गर्न सक्नेछ- माहात्मा गान्धी । माथि गान्धीको भनाइ किन उद्धृत गरिएको हो भने नयाँ वर्षको आगमन भैसकेको छ र २०८० को बिदाइ बडो हर्षपूर्वक...
एक दिन काम विशेषले नयाँ सडकतिर गएको थिएँ, मोबाइल टिङटिङ गर्यो । हेरेँ पुराना मित्र जयदेव भट्टराई, सम्पादक मधुपर्क (हाल अवकाश प्राप्त) ले सम्झेका रहेछन् । हामी दुई लामो समयसम्म सँगै रह्यौँ, कहिले गोरखापत्र...