काठमाडौं –दूरसञ्चार सेवा प्रदायक संस्था नेपाल टेलिकमले संस्थाको सेवा, सुविधा र गतिविधिबारे समाचार सम्प्रेषण गर्ने २ सञ्चारकर्मीलाई पुरस्कृत गर्ने भएको छ ।

टेलिकमले सूचना जारी गर्दै पुरस्कारका लागि समाचार सामग्री पठाउन सार्वजनिक आह्वान गरेको छ । टेलिकमले सेवा उपलब्ध गराइएको १ वर्ष पूरा भएको अवसरमा गत वर्षदेखि सञ्चारकर्मीलाई पुरस्कृत गर्न शुरू गरेको थियो ।

‘२०७४ सालमा नेपाल टेलिकमको सेवा, सुविधा र गतिविधि सम्बन्धमा प्रकाशित/प्रसारित समाचार सामग्रीमध्ये ३ वटा सामग्री प्रमाणसहित (प्रकाशित/प्रसारित मिति र बाइलाइन नभएकोमा सम्पादकले प्रमाणित गरेको) मिति २०७५ भदौ १३ गतेभित्र यस कम्पनीको केन्द्रीय कार्यालय, सूचना तथा प्रकाशन शाखा, कोठा नम्बर ३०२ मा दर्ता गराउनुहुन अनुरोध छ,’ सूचनामा उल्लेख गरिएको छ ।

हेर्नुस् टेलिकमले प्रकाशित गरेको सूचनाको पूर्णपाठ :

पुरस्कारका लागि समाचार सामग्री पठाउने सम्बन्धी सूचना

सर्वसाधारण नेपाली नागरिकलाई टेलिफोन सेवा उपलब्ध गराइएको १ सय वर्ष पूरा (२०७४ जेठ १ गते) भएको उपलक्ष्यमा गत वर्ष नेपाल टेलिकमले कम्पनीको सेवा, सुविधा आदि सम्बन्धमा आमसञ्चार माध्यममा २०७३ सालमा प्रकाशित/प्रसारित समाचार सामग्रीमध्ये उत्कृष्ट २ वटा सामग्री छनोट गरी २ जना सञ्चारकर्मीलाई पुरस्कृत गरेकोमा यस वर्ष पनि सो कार्यक्रमलाई निरन्तरता दिइने भएकोले २०७४ सालमा नेपाल टेलिकमको सेवा, सुविधा र गतिविधि सम्बन्धमा प्रकाशित/प्रसारित समाचार सामग्रीमध्ये ३ वटा सामग्री प्रमाणसहित (प्रकाशित/प्रसारित मिति र बाइलाइन नभएकोमा सम्पादकले प्रमाणित गरेको) मिति २०७५ भदौ १३ गतेभित्र यस कम्पनीको केन्द्रीय कार्यालय, सूचना तथा प्रकाशन शाखा, कोठा नम्बर ३०२ मा दर्ता गराउनुहुन अनुरोध छ ।

नेपाल दूरसञ्चार कम्पनी लिमिटेड
नेपाल टेलिकम
केन्द्रीय कार्यालय, भद्रकाली प्लाजा