×

NMB BANK
NIC ASIA

अव्यवस्थित डिभाइडरले ज्यान लिँदै, सरकारी पक्ष बहाना देखाउँदै

साउन २६, २०७५

NTC
Sarbottam
Premier Steels
Marvel

विराटनगर –गत बैशाख २२ गते साँझ साढे ७ बजे तीर्थयात्रामा गएको एउटा माइक्रोबस सडक ‘डिभाइडर’सँग ठोक्किएर दुर्घटना हुन पुग्यो । माइक्रोमा सवार सबै १० महिला घाइते भए ।

Sagarmatha Cement
Muktinath Bank

माइक्रो चालकले तीव्र गतिमा चलाएको कारण ‘डिभाइडर’ भए÷नभएको पत्तै लगाउन सकेनन् । माइक्रो अचानक डिभाइडरमा ठोक्कियो । घटनामा परेका सबै घाइते हाल सकुशल छन् । माइक्रो चालक आजसम्म पनि फरार छन् ।


Advertisment
RMC TANSEN
IME BANK INNEWS
shivam ISLAND

माइक्रोबस दुर्घटनाको कारण थियो सडकका विचमा राखिएका डिभाइडर । त्यसलगत्तै असार १६ गते पिपलचोकमा पिक अप भ्यान र कार राति ८ बजेको समयमा एकआपसमा ठोक्किन पुगे । साउन ४ गते एउटा यात्रुवाहक बसले सिकारु चालकले सडक पार गराइरहेको भ्यानलाई ठक्कर दियो ।


Advertisment
Nabil box
Kumari

सबै घटनाको साझा कारण थियो, रंग नपोतिएका डिभाइडर । बरगाछीदेखि दुग्ध विकास संस्थान अगाडिसम्म सडकबीच राखिएका डिभाइडर यतिबेला सवारीचालकको लागि दुर्घटना गराउने थलो बनेका छन् । 

Vianet communication
Laxmi Bank

सडक विस्तारका क्रममा ६ लेन परियोजना अन्तर्गत जोगबनीदेखि किमाथाङ्गकासम्म सडक बनाउने काम भइरहेको छ । पहिलो चरण अन्तर्गत रानी–विराटनगर–इटहरीदेखि तरहरासम्मको सडक ६ लेनको बनाउने काम धमाधम भइरहेको छ । हरेक दिन विराटनगर–धरान चल्ने यात्रुवाहक बस चलाउने सवारी चालक गंगा बराललाई पनि सडकको विचमा राखिएका डिभाइडरले निक्कै तनाव दिने गरेको छ ।

‘कहिलेकाहीँ बस चलाउँदा डिभाइडरले तर्साउँछ,’ उनी भन्छन्, ‘सडकमा डिभाइडर त राख्यौ । तर, राति अँध्यारोमा टल्कने ट्राफिक चिन्ह नराख्दा सबै सवारी चालकलाई समस्या हुने गरेको छ ।’ नियमित सवारीसाधन चलाउँदै आएका सिन्धुलीका ट्यांकर चालक खेम राईलाई पनि डिभाइडर राखेर पनि रंग अर्थात् डिभाइडरमा रंग नलगाएकोमा चित्त बुझेको छैन ।

हप्तामा ३–४ पटक आयल निगममा तेल किन्न आउने उनी आयल निगममा सडक पार गरेर जान राति डिभाइडर मधुरो देखिने  गरेका कारण दुर्घटनाको त्रास हुने बताउँछन् । उनी भन्छन् ‘डिभाइडर राखेपनि यसलाई व्यवस्थित रुपमा नराखिँदा हामी सवारी चालकलाई सवारी चलाउनै असहज भएको छ ।’

ट्राफिकको ‘जेब्रा क्रसिङ’

निर्माण कम्पनीले सवारी साधनको आवतजावत हुने व्यस्त सडकको डिभाइडरमा राखिनुपर्ने सन्देशमूलक चिह्न नराखिँदा दुर्घटना बढेको छ । जिल्ला ट्राफिक प्रहरी कार्यालय मोरङले राखिएका डिभाइडरमा केही ठाउँमा रातो, पहेलो टल्कने स्टीकर राखेको जनाएको छ । ट्राफिकले राखेका भनिएका स्टीकर सबै च्यातिएका छन् । स्टीकर कुनै स्थानमा छन् भने कतिपय स्थानमा स्टीकर राखिएको छैन ।

जिल्ला ट्राफिक प्रहरी कार्यालय मोरङका ट्राफिक प्रहरी निरीक्षक शिव पोखरेलले सडक बनाउने प्रक्रिया भइरहेका कारण कतिपय स्थानमा समस्या भएको बताए । ‘प्रायः रोड क्रसिङ स्थानमा चिह्न लगाइसकेको तर डिभाइडरमा रंग लगाउने जिम्मा सडक निर्माणको जिम्मा लिएको ठेकेदारको हो,’ उनले भने, ‘ठेकेदारबाट ढिलो भएका कारण अलि समस्या देखिएको छ, हामीले रोडक्रस गर्नको लागि जेब्रा क्रसजस्ता चिह्न बनाइसकेका छौं ।’

तर, जेब्रा क्रसिङ बनाउने दायित्व पनि ६ लेन सडक आयोजना अन्तर्गतको ठेकेदार कम्पनीको हो । जिल्ला ट्राफिक कार्यालय मोरङको तथ्यांकमा ४ महिनाको अवधिमा करीब १ दर्जन सवारी दुर्घटना डिभाइडरमा ठेक्किएर भएका छन् ।

ठेक्कामै लापरवाही

सडक आयोजनाले यस बारेमा ठेकेदार कम्पनीको दोषभन्दा पनि टेण्डर नै गलत भएको बताएको छ । शुरूको सडक बनाउने बेला भएको टेण्डरमा नै डिभाइडरमा लगाउने रिफ्लेक्सन कलर गर्ने दायित्व ठेकेदारलाई दिइनुपर्नेमा छुटेको रानी–विराटनगर–इटहरी–धरान ६ लेन सडक परियोजनाका इन्जिनियर सुमोद पोखरेलले बताए ।

तत्काल फेरि अर्काे ठेक्का लगाउने अवस्था नरहेका कारण समस्या भएको उनले बताए । ‘अहिले काम गरिरहेको ठेकेदार कम्पनी एआइपीएल–पप्पु जेभीले सम्पन्न भएको काम जिम्मा नलगाउँदासम्म अर्को ठेक्का लगाउन सक्ने अवस्थामा परियोजना छैन,’ इन्जिनियर पोखरेलले भने । ‘रातिको समयमा दुर्घटना हुन नदिनको लागि डिभाइडरको दुवै साइडमा टल्किने रातो बत्ति (क्याट आई) राखिएको छ, त्यसले केही हदसम्म दुर्घटना न्यूनिकरण गराएको छ,’ उनले भने ।

एकै ठाउँमा ३ ठेकेदार कम्पनीले काम गर्दा एकले अर्कोको कामको व्यवस्थापन नमिल्दा सडकको काम पूरा गर्ने काममा ढिलाइ भएको छ भने निर्माणाधीन सडकका कारण दुर्घटना पनि भइरहेका छन् । 

hAMROPATRO BELOW NEWS
TATA Below
मंसिर १४, २०८०

प्रगतिशील राजनीतिको 'फ्रन्टलाइन'मा देखिने नेताहरू जति कठोर हुन्छन्, त्यो भन्दा बढी ‘इमोसनल र सेन्टिमेन्टल’ पनि हुन्छन् । त्यस्तै ‘इमोसनल फिलिङ्स’का बाबजुद परिस्थितिले कठोर बन्दै गएक...

फागुन ५, २०८०

श्रीमान्–श्रीमती नैं शाखा अधिकृत, त्यो पनि एकसाथ । यस्तो सुखद संयोग सरकारी सेवामा प्रवेश गर्न चाहनेमध्ये कमैलाई मात्र जुर्ने गर्छ । तर, गुल्मीको धुर्कोट गाउँपालिका वडा नम्बर–६ का सुरेन्द्र पाण्डे र रमित...

मंसिर ३०, २०८०

बुधवार काभ्रेको धुलिखेलस्थित काठमाडौं विश्वविद्यालयका १ हजार ८३८ जना विद्यार्थीमाझ सनम ढकाल दृश्यमा आए । एमबीबीएसमा सर्वोत्कृष्ट भएर गोल्ड मेडल ल्याउँदै सनम दीक्षित भएसँगै सबैमाझ परिचित भएका हुन् ।  काठम...

माघ २७, २०८०

भगवान् गौतम बुद्धको जन्मस्थल लुम्बिनी विश्वकै लागि शान्तिक्षेत्र हो । यो क्षेत्र आउँदो महिना विशेष हुने भएको छ । विश्वकै प्रतिष्ठित र ठूलो पुरस्कार मानिने नोबेल पुरस्कार विजेताहरूको जमघट हुने भएपछि विशेष हुन लागेक...

माघ २०, २०८०

नृत्यका पारखीहरूका लागि लुम्बिनी प्रदेशमा लोकप्रिय नाम हो किशोर थापा । रुपन्देहीका किशोरको परिचय खाली नृत्यकार (डान्सर)मा मात्र सीमित छैन । उनी नृत्य निर्देशक, गायक, मोडल र फूटबल खेलाडीको रूपमा समेत उत्तिकै च...

माघ १३, २०८०

रोल्पाका देवराज बुढामगर गाउँकै साधारण किसान हुन् । परिवर्तन गाउँपालिका–४ पाथावाङ निवासी देवराजका ६ छोरी र एक छोरा सरकारी जागिरे छन् । छोराको आसमा ६ छोरी जन्माए देवराज र उनकी श्रीमती नन्दाले । हुन पन...

अपराजित जनयुद्धको पराजित कथा

अपराजित जनयुद्धको पराजित कथा

चैत १४, २०८०

सामान्यतः मानव समाजको आजसम्मको इतिहास जनयुद्धको इतिहास हो भन्दा फरक पर्दैन । किनकि, समयका प्रत्येक खण्डमा चाहे ती स्पाटाहरू होउन् या चार्टिष्टियन, सिलेसियाली होउन् या कम्युनाडोहरू अनि वोल्सेभिक–भियतकङ्&ndash...

निर्मोही राज्य र युगीन अवतारको प्रतीक्षामा नेपाली समाज

निर्मोही राज्य र युगीन अवतारको प्रतीक्षामा नेपाली समाज

चैत १२, २०८०

रूढिवादी र पछौटे समाजले सधैँभरि अवतारको प्रतीक्षा गर्दछ । प्रतीक्षा गर्नेले आफू केही पनि कर्म गर्दैन र उसलाई पौरखमा त्यति विश्वास पनि हुँदैन ।  सामान्यतया व्यक्तिगत जीवनमा भाग्य र सामाजिक जीवनमा अवतारको प्रत...

सत्यको खोजी

सत्यको खोजी

चैत १०, २०८०

कसैले आएर सत्य भनेको के हो ? भनेर सोध्यो भने हामी अलमलिन्छौँ । कसैले केही भनौँला कसैले केही । अझ कसैले त सत्य भनेको सत्य नै हो भन्न पनि बेर लगाउन्नौँ । तर सत्य त्यो मात्र होइन । सत्य भनेको हामी आफैँ हौँ । सत्य...

x