काठमाडौं – म्यानचेस्टर सिटीले प्रिमियर लीगको यस सीजनको पहिलो खेलमा आर्सनललाई हराएपछि व्यवस्थापक पेप ग्वार्डिओलाले बेन्जामिन मेन्डीलाई हल्का चेतावनी दिएका छन् । 

मेन्डीले रहीम स्टर्लिङ र बर्नार्दो सिल्भाका लागि गोलको अवसर जुटाइदिएपछि आफ्नो पूर्ण शक्ति नलगाएको भएपनि सिटीले आर्सनललाई हराएको थियो । 

फ्रान्सका लेफ्टब्याक मेन्डीले सिटीसँगको पहिलो सीजनमा खासै प्रभाव पार्न सकेका थिएनन् किनकि उनको गोडाको लिगामेन्ट च्यात्तिएको थियो । तर उनी सामाजिक सञ्जालमा रमाइला कुरा लेखेर सिटीका प्रशंसकहरूमाझ नायक बनेका थिए । 

यो स्थितिलाई ग्वार्डिओलाले नियालिरहेका छन् र आइतवारको खेलमा मेन्डी सबैतिर फुत्त फुत्त पुगेको ध्यान दिएका छन् । 

खेलपछिको पत्रकार सम्मेलनमा ग्वार्डिओलालाई मेन्डी सेन्टर फर्वार्ड जस्तो देखिए त भनी प्रश्न सोधिँदा उनले हाँस्दै भने, ‘हो, त्यो राम्रो भएन ।’

‘मेन्डी मेन्डी नै हुन् । कहिलेकाहीँ तपाईं उनलाई मार्न चाहनुहुन्छ अनि कहिलेकाहीँ तपाईं भन्नुहुन्छ – वाह, हामीसँग कस्तो गजब खेलाडी छन् । उनले हाम्रो क्लबलाई अतिरिक्त ऊर्जा दिन्छन् । उनी र काइल वाकर मिलेर यति नियमित रूपमा आक्रमण गर्छन् कि त्यसले धेरै महत्त्व राख्छ । तर मेन्डीले अझै धेरै कुरा सुधार्नुपर्नेछ । आशा गरौं, हामीहरू उनलाई शान्त रहनका लागि फकाउन सकौं । उनले सामाजिक सञ्जाललाई अलिक बिर्सनुपर्छ र आफ्नो काममा ध्यान एकत्रित गर्नुपर्छ ।

Oops 😅 https://t.co/dVBYJNbKPM

— Benjamin Mendy (@benmendy23) August 12, 2018

’

सिटीको अर्काे खेल आइतवार गृहमैदानमा हडर्सफील्ड टाउनविरुद्ध हुँदैछ । 

एजेन्सी
 

---

---