काठमाडौं – अमेरिकामा एक शिक्षक ब्रायस कार्लसनले ३८ दिनसम्म दिनको ६ घन्टा डुंगा चलाएर क्यानडाबाट बेलायनसम्मको ३२ सय किलोमिटर दूरी पार गरेका छन् । 

यो यात्रामा उनको लगभग सात किलो घट्यो । उनले सबभन्दा कम समयमा यो दूरी पार गरेर कीर्तिमान तोडेका हुन् । पहिले यो कीर्तिमान एक जलसेना पाइलटले बनाएका थिए । उनले यो दूरी पार गर्न ५३ दिन लगाएका थिए । 

सैंतीस वर्षय कार्लसन उत्तरी आन्ध्र महासागर पार गर्ने पहिलो अमेरिकी बनेका छन् । उनी व्यावसायिक डुंगाचालक होइनन् । 

ब्रायसका अनुसार, उनी हरेक दिन केही समय खाना खान, हातलाई आराम दिन र नक्शामा आफ्नो ठाउँ निश्चित गर्न छुट्ट्याउँथे । मौसम खराब भएर कतै बस्नुपरेमा समय बिताउनका लागि उनले केही किताब पनि साथैमा राखेका थिए । 

आन्ध्र महासागरमा उनी समुद्री तुफान क्रिसमा पनि फसे । तुफानको गति ८० देखि १०० किलोमिटर प्रतिघन्टा थियो । 

त्यसले गर्दा डुंगा कतिचोटि झण्डै पल्टियो । पानी पसेर विद्युतीय डिभाइस खराब भयो र किनारसँगको सम्पर्क टुट्यो । 

तर उनले हिम्मत हारेनन् र डुंगालाई राम्ररी बेलायतको दक्षिणपूर्वी टापुको किनारमा पु–याए ।

एजेन्सी