प्युठान – मंगलवार राति परेको अविरल वर्षाका कारण खसेको पहिरोले घर पुरिँदा प्युठानमा १ जना बेपत्ता भएका छन् ।

पहिरोमा परी गौमुखी गाउँपालिका–४ जाडगाउँका ३९ वर्षीय झगबहादुर सुनार बेपत्ता भएका हुन् । बुधवार बिहान करीब ७ बजेतिर घरमाथि खसेको पहिरोमा परी ३९ वर्षीय सुनार बेपत्ता भएको जिल्ला प्रहरी कार्यालय प्युठानले जनाएको छ । 

जिल्ला प्रहरी कार्यालय प्युठानको टोली घटनास्थल पुगेर प्रहरी र स्थानीयले बेपत्ता सुनारको खोजीकार्य गरिरहेका छन् । स्थानीय देवबहादुर सुनार र रमेश सुनारको घरगोठ समेत पहिरोले पुरिएको छ । स्थानीय वासिन्दाका ७ घर पहिरोको उच्च जोखिममा छन् ।