काठमाडौं – जापानमा चोरी र बलात्कारका एक आरोपित प्रहरी चौकीबाट जुत्ता चोरेर भागेका छन् । उनलाई खोज्नका लागि लगभग तीन हजार प्रहरी खटाइएका छन् । 

आरोपितको नाम जुनया हिदा हो । जुनया फरक फरक आरोपमा विगत दुई महिनादेखि जेलमा थुनिएका थिए । तीस वर्षीय हिदा आइतवार ओस्काको प्रहरी चौकीबाट आफ्नो वकिललाई भेटेपछि भागेका थिए । त्यतिखेर उनको हातमा हत्कडी बाँधिएको थिएन । 

यसमा गल्ती ड्युटी अफिसरको देखिन्छ किनकि वकिलसँगको भेटघाटका बेलामा हिदालाई उनले एक्लै छोडेका थिए । वकिल हिँडेको दुई घन्टापछि हिदा भागेको पत्ता लागेको थियो । त्यतिखेर पो थाहा भयो, हिदाले प्रहरीको जुत्ता पनि चोरेर भागेको रहेछ ।

हुन त जापानको अपराध दर निकै कम छ र त्यहाँ कुनै कैदी भाग्नु भनेको असाधारण कुरा हो । 

यसअघि अप्रिल महिनामा एक कैदी जेल तोडेर भागेको थियो । उसलाई पक्रन पनि प्रहरीले ठूलो अभियान चलाएको थियो । तीन हप्ताभित्र उसलाई पक्राउ पनि गरिएको थियो । यस मुद्दामा प्रहरीले चोर र उसको वकिललाई
खोजिरहेको छ । नजिकैका विद्यालय र घरलाई सावधान गराइएको छ ।

एजेन्सी