काठमाडौं– भारतीय पूर्वप्रधानमन्त्री अटल बिहारी वाजपेयीको स्वास्थ्य अवस्था थप नाजुक बनेको छ । पछिल्लो २४ घण्टामा उनको स्वास्थ्यमा कुनै सुधार आएको छैन ।

बुधबार अचानक उनको स्वास्थ्य झन् बिग्रिएपछि लाइफ सपोर्टमा राखिएको चिकित्सकलाई उदृत गर्दै भारतीय सञ्चार माध्यमले जनाएका छन् । 

९३ वर्षीय वाजपेयीको अल इण्डिया इन्सटिच्युट अफ मेडिकल साइन्स (एम्स)मा विगत दुई महिनादेखि उपचार भइरहेको छ । उनलाई बुधबार भारतीय प्रधानमन्त्री नरेन्द्र मोदीले भेटेका थिए ।

भारतीय जनता पार्टीको संस्थापकसमेत रहेका वाजपेयी मिर्गौला र छातिको समस्याबाट पीडित छन् । वाजपेयी तीन पटकसम्म भारतको प्रधानमन्त्री बनेका छन् ।