काठमाडौं– भुटानमा जारी दोस्रो संस्करणको साफ यू–१५ महिला फुटबल च्याम्पियनसिपमा नेपालले आज फाइनल प्रवेशका लागि भारतसँग प्रतिस्पर्धा गर्दैछ । 

थिम्पुस्थित चाङलिमिथाङ मैदानमा नेपाल र भारतबीचको खेल नेपाली समय अनुसार अपरान्ह ३ः४५ मा शुरु हुनेछ । दुबै टोली जित निकाल्ने लक्ष्यका साथ मैदानमा उत्रदैछन् ।

बलियो प्रतिद्वन्द्वी भारतसंग जित निकाल्न नेपाललाई कठिन हुनेछ । समूह बी मा रहेको नेपाल समूह उपबिजेता बन्दै सेमिफाइनलमा प्रवेश गरेको हो ।  भारत भने समूह ए को बिजेता बन्दै सेमिफाइनलमा स्थान पक्का गरेको हो ।