कात्तिक १५, २०८०
बाराको कलैया उपमहानरपालिका–६ मदर्सा टोलमा रहेको बाल एकता इंग्लिस बोर्डिङ स्कूलका प्रिन्सिपल गुड्डु भनिने रुपेश स्वर्णकारको हत्याका मुख्य योजनाका सोही विद्यालयकी पूर्वशिक्षिका तथा लेखापाल राधा गुप्ता रहेको ख...
जनकपुरधाम – केही दिनअघि भारतको जयनगरदेखि २ नम्बर प्रदेशको खजुरीसम्म रेल परीक्षण गरियो । परीक्षण सफल भएपछि भनियो – आगामी पुस–माघदेखि विधिवत् रूपमा नै यात्रुवाहक रेल सञ्चालनमा आउँछ । आउँदो १ महिनासम्म जनकपुरधाम हुँदै धनुषाको कुर्थासम्म पनि रेलको परीक्षण सम्पन्न गर्ने योजना छ ।
नेपाली रेल सञ्चालनका लागि नेपाली भूमिमा लीग (रेल गुड्ने फलामे पटरी) भएर मात्रै हुँदैन । त्यसका लागि रेलको इन्जिन, कोच (डिब्बा), जनशक्ति लगायतका चाहिन्छन् । जुन अहिले नेपालसँग छैन । ती आवश्यक वस्तु र सेवाको बन्दोबस्त कसरी गर्ने भन्ने विषयमा पनि रेल विभागले स्पष्ट जवाफ दिन सकेको छैन । यस्तो अन्योलबीच नेपाली रेल कसरी चल्छ त ?
रेलका आवश्यक पूर्वाधार निर्माण सम्पन्न हुने चरणमा भएपनि रेलको इन्जिन र कोच सम्बन्धी टुंगो नलागेका कारण रेल सञ्चालनमा आइहाल्छ भन्ने सुनिश्चितता देखिँदैन । जनकपुरधामस्थित रेल विभाग साइट कार्यालय जनकपुरका इन्जिनियर विनोद ओझाका अनुसार नेपाल सरकार, रेल विभाग र भारतीय पक्षसँग तत्काल भारतबाट रेल र कोच लीजमा नै लिएर भएपनि रेल सञ्चालनमा ल्याउने गरी तयारी अगाडि बढाइएको छ । तर, कुन मोडेलको लीजमा रेल सञ्चालन हुने भन्ने विषयमा ओझाले केही पनि बताउन चाहेनन् ।
नेपाल सरकारको रेल विभाग मातहत नेपाल रेल्वे कम्पनी सञ्चालनमा रहेपनि कम्पनीको अस्तित्व नामका लागि मात्र सीमित छ । विगतमा रहेका २ सय १८ जना कर्मचारीलाई अवकाश दिएर हटाएपछि हाल १७ जना मात्र स्थायी कर्मचारी कार्यरत छन् । रेल सेवा सञ्चालनका लागि नेपाल सरकारले कर्मचारी भर्ना गरेर आफ्नै स्वामित्व र व्यवस्थापनमा सञ्चालन गर्ने हो वा सबै कुरा भारतीय पक्षकै हुने भन्ने विषयमा टुंगो लाग्न सकेको छैन ।
रेल सञ्चालनका लीज २ किसिमका हुन्छन् – एउटा ‘वेट लीज’ र अर्को ‘ड्राई लीज’ । वेट लीजमा रेल, इन्जिन, कोच, व्यवस्थापन, कर्मचारी सबै भारतीय पक्षकै हुन्छन् । रेल सेवाबापत प्राप्त हुने आम्दानी पनि उनीहरूकै हुन्छ । भारतले केही रकम मात्र नेपाल सरकारलाई दिनेछ ।
ड्राई लीजमा सबै सामग्री भारतको हुने तर व्यवस्थापन, कर्मचारी, आम्दानी सबै नेपालको हुने र केही रकम मात्र भारतलाई दिने हुन्छ । भारतसँग कस्तो लीजको सहमति हुँदैछ भन्नेबारे नेपाल रेल्वे कम्पनीका महाप्रबन्धक तुलाबहादुर डाँगी बेखबर छन् ।
‘कस्तो किसिमको लीजमा लिने भन्ने विषयबारे आफूलाई केही पनि जानकारी छैन । रेल विभागका महानिर्देशक, नेपाल सरकारका उच्च तहका पदाधिकारीलाई मात्र थाहा हुने कुरा हो,’ उनले भने ।
नेपालमा रेल्वे सञ्चालनका लागि रेल ‘वर्कशप’ नै बनेको छैन । वर्कशप बन्ने सुरसार पनि देखिएको छैन । डाँगी भन्छन्, ‘रेल चलेपछि इन्जिन र कोच सबैलाई वर्कशपमा लगेर दिनहुँ चेकजाँच गरेर मात्र चलाउने गरिन्छ ।’ तर, वर्कशप ग्यारेजको निर्माण प्रक्रिया पनि शुरू भएको छैन ।
भारतले ७ अर्ब भारतीय रुपैयाँको लगानीमा रेल सेवा निर्माणको काम गरिरहेको छ । पहिलो चरणमा भारतको जयनगरदेखि धनुषाको कुर्थासम्म ३४ किलोमिटर, दोस्रो चरणमा धनुषाको कुर्थादेखि महोत्तरीको भंगहासम्म १८ किलोमिटर र तेस्रो चरणमा महोत्तरीको भंगहादेखि बर्दिबाससम्म १७ किलोमिटर गरी ६९ किलोमिटर रेल सेवा सञ्चालनका लागि पूर्वाधार निर्माण भइरहेको छ । जसमध्ये भारतको जयनगरदेखि धनुषाको कुर्थासम्म ३४ किलोमिटर रेल सेवा केही महिनामै सञ्चालनमा ल्याउने भनिएको छ ।
भारतको २८ बिघा जग्गा उपयोग हुँदै
भारतको जयनगरदेखि नेपाली सीमा धनुषाको इनरवासम्म रेल सेवा सञ्चालनमा ल्याउन विक्रम सम्वत् १९९४ सालदेखि तत्कालीन राणा सरकारले भारतको २८ बिघा जग्गा उपयोग गरेको थियो । २८ बिघामध्ये नेपाल सरकारले १९ बिघा जग्गा भारत सरकारसँग ७ हजार ६ सय ५२ रुपैयाँमा किनेको थियो भने बाँकी ९ बिघा जग्गा लीजमा लिएको थियो ।
रेल्वे कम्पनीका महाप्रबन्धक डाँगीका अनुसार तत्कालीन भारतको दरभंगा महाराजलाई लिजबापत रकम बुझाउने भनेर विक्रम सम्वत् १९९४ सालमै सहमति भएको थियो । ‘अहिले पनि बिहारको मधुबनीमा २ हजार रुपैयाँ वार्षिक लीज बापतको रकम हामीले बुझाउँदै आएका छौं,’ डांगीले लोकान्तरसँग भने ।
भारतको रक्सौल अमलेखगञ्ज रेल सेवा सञ्चालन हुँदा समेत नेपाल सरकारले भारत बिहारको रक्सौलमा १९ बिघा जग्गा किनेको थियो । जसको स्वामित्व अहिले पनि नेपालको रेल विभागसँग छ ।
विवाह पञ्चमीमा शुरू भएको रेल
विक्रम सम्वत् १९९४ सालमा रामजानकी विवाह पञ्चमीको अवसर पारेर नेपालमा पहिलो पटक रेल सेवा सञ्चालनमा आएको थियो । नेपालको तत्कालीन श्री ३ सरकार र भारतको इस्ट इन्डिया कम्पनीबीच भएको सम्झौता अनुसार नेपालबाट भारततर्फ काठ ढुवानीका लागि रेल सेवा सञ्चालन गरिएको थियो । नेपालको जंगलबाट साल, सखुवा प्रजातिका काठ ढुवानी गर्ने उद्देश्यले भारतीय लगानीमा नेपालमा रेल सेवा सञ्चालनमा ल्याइएको थियो ।
पहिलो चरणमा भारतको बिहारस्थित जयनगरदेखि धनुषाको जनकपुरधाम हुँदै महोत्तरीको बिजलपुरासम्म ५८ किलोमिटर रेल सेवा सञ्चालनमा आएको थियो । उतिबेला काठ ढुवानी मात्रै गर्दै आएको रेल सेवा केही वर्षपछि रोकिएको थियो । महोत्तरीको बिजलपुरा र भंगहाबीचको पुल भत्किएपछि सेवा अवरुद्ध भएको थियो । विक्रम सम्वत् २००७ सालमा पुल भत्किएका कारण भारतको जयनगरदेखि महोत्तरीको भंगहासम्म सीमित भएको थियो ।
भारतका लागि आवश्यक काठ ढुवानी सम्पन्न भएपछि मात्र यात्रुवाहक रेल सञ्चालनमा आएको थियो । विक्रम सम्वत् २०१८ सालको मंसिरमा रामजानकी विवाह पञ्चमीकै दिनदेखि भारतको जयनगरदेखि महोत्तरीको भंगहासम्म ५८ किलोमिटर दुरीमा यात्रुवाहक रेल सञ्चालन भएको थियो ।
२ समय आउने–जाने सेवा प्रदान गरिरहेको रेल सेवा फेरि अवरुद्ध भयो । २०५८ सालमा महोत्तरीको बिग्ही पुल भत्किँदा भारतको जयनगरदेखि जनकपुरधामसम्म २९ किलोमिटरसम्म मात्र रेल सेवा सञ्चालन भएको थियो ।
कोइलाले चल्ने रेल इन्जिनबाट ‘न्यारोगेज’मा सेवा सञ्चालित भएको थियो । रेल सेवा सञ्चालनका लागि आवश्यक सम्पूर्ण पूर्वाधार, रेल ट्रयाक, स्लीपर, रेल स्टेसन आदि सबै निर्माण तत्कालीन ब्रिटिश इन्डिया कम्पनीकै लगानीमा सम्पन्न भएको थियो ।
भारतले जर्मनका म्यानचेस्टर कम्पनीका अति नै बहुमुल्य इन्जिनहरू राम, सीता, महाबीर, गुहेश्वरी, गोरखनाथ, रामा, सूर्य, चन्द्र, कृष्णा किनेर नेपाल सरकारलाई प्रदान गरेको थियो । ती ईन्जिनहरू अहिले पनि खजुरी स्टेसनको ‘वर्कशप’मा राखिएका छन् ।
एउटा संग्रहालय बनाएर त्यसलाई संरक्षण गरिनुपर्ने स्थानीयबासीले पटक–पटक आवाज उठाएको भएपनि नेपाल सरकारले त्यसप्रति चासो देखाउन सकेको छैन । रेल, कोच, इन्जिन, सबै भारत सरकारको सहयोगमा सञ्चालित थियो । शुरूमा उतैका कर्मचारी र व्यवस्थापन समेत रहेको थियो । पछि नेपालकै जनशक्तिलाई तालिम दिएर नेपाल सरकारको कर्मचारी तथा व्यवस्थापनमा रेल सेवा सञ्चालनमा आएको थियो ।
२०५१ सालमा कोइला इन्जिनले चल्ने रेल डिजेल इन्जिनबाट विस्थापित भएको थियो । भारत सरकारले ४ वटा डिजेल इन्जिन (जेडीएम ५ टाइप) र १८ वटा कोच सहयोग स्वरूप नेपाल सरकारलाई प्रदान गरेको थियो । इन्जिन ड्राइभर र केही प्राविधिक कर्मचारीले २ वर्ष जति रहेर नेपालका कर्मचारीलाई प्रशिक्षित गरेर फर्किएका थिए ।
भारतमै पहिलेदेखि सञ्चालनमा रहेको धेरै पुरानो कोच र इन्जिन प्रदान गरिएको थियो । जुन धेरै लामो समय चल्न सकेन । इन्जिनबाट दैनिक ३ सेवा रेल सुचारु भएपनि पछि इन्जिन बिग्रने र मर्मत गर्न समय लाग्ने भएकाले २ पटक सेवामा नै सीमित हुन पुगेको थियो ।
सेवा अवरुद्ध हुने र नियमित हुने क्रम चलिरहेकै बेला नेपाल सरकार र भारत सरकारबीच रेल सेवालाई ‘न्यारोगेज’बाट ‘ब्रोडगेज’ सेवामा स्तरोन्नति गर्ने सम्झौता भयो । स्तरोन्नतिको काम शुरू हुन लाग्दा २०७१ माघदेखि रेल सेवा पूर्ण रूपमा अवरुद्ध भएको थियो ।
साविकमा नेपाल रेल कम्पनीमार्फत् व्यावसायिक रूपमा रेल सेवा सञ्चालनमा रहेपनि रेल विभाग स्थापना भएपछि सबै काम विभागले हेर्न थाल्यो । रेल सेवा अवरुद्ध भएपछि कम्पनीमा कार्यरत २ सय १८ जना कर्मचारीलाई अवकास दिइयो । अहिले १७ जना मात्र स्थायी कर्मचारी कार्यरत छन् । त्यो पनि रेलको सम्पत्तिको रेखदेख र संरक्षण गर्नका लागि ।
ब्रोडगेजमा स्तरोन्नतिको काम शुरू भएपछि नेपाल रेल कम्पनीका काम नलाग्ने पुराना सबै सामानहरू लिलाम गरी बिक्री गरियो । नेपाल रेल्वे कम्पनीका महाप्रबन्धक तुलाबहादुर डाँगीका अनुसार पहिलो चरणमा जयनगरदेखि जनकपुरसम्म रेल ट्रयाक लिलामी गरियो ।
दोस्रो चरणमा काठका स्लीपर, तेस्रो चरणमा जयनगरदेखि जनकपुर हुँदै बिजलपुरासम्म २३ वटा पुराना रेल स्टेसनका भवन र चौथो चरणमा बाँकी रहेका सबै फलामका सामग्री लिलाम गरी बिक्री गरियो । मूल्यांकन समिति कायम गरेर टेन्डर प्रक्रियामार्फत् ती कुराको लिलामी गरिएको थियो । लिलामीबाट ६ करोड रुपैयाँ राजश्व कम्पनीले प्राप्त गरेको थियो ।
बाराको कलैया उपमहानरपालिका–६ मदर्सा टोलमा रहेको बाल एकता इंग्लिस बोर्डिङ स्कूलका प्रिन्सिपल गुड्डु भनिने रुपेश स्वर्णकारको हत्याका मुख्य योजनाका सोही विद्यालयकी पूर्वशिक्षिका तथा लेखापाल राधा गुप्ता रहेको ख...
उदयपुरमा २१ वर्षीया युवतीलाई बलात्कार गरेको आरोपमा एक जना पक्राउ परेका छन् । पक्राउ पर्नेमा लिम्चुङबुङ गाउँपालिका १ बाँस्बोटेका २५ वर्षीय टवीन्द्र राई रहेका छन् । उनलाई आइतवार दिउँसो पक्राउ गरिएको प्रहर...
काठमाडौँ उपत्यका अपराध अनुसन्धान कार्यालयले ‘कल गर्ल’ चाहिएमा उपलब्ध गराइदिने भनी ठगी गर्ने दुई जनालाई पक्राउ गरी आज सार्वजनिक गरेको छ । सामाजिक सञ्जालबाट ‘कल गर्ल’ उपल...
पाल्पामा दुईवटा खोलामा डुबेर मंगलवार दुई जनाको ज्यान गएको छ । पाल्पाको तिनाउ गाउँपालिका–३ मा रहेको तिनाउ खोलाको ड्याममा डुबेर घुम्न आएकी भारतीय युवती महिलाको मृत्यु भएको जिल्ला प्रहरी कार्यालय, पाल्पाक...
तत्कालीन प्रहरी नायब महानिरीक्षक (डीआईजी) अशोक सिंहले २०७९ फागुन १० गते जिम्मेवारीबाट राजीनामा दिए । प्रहरी महानिरीक्षक (आईजीपी)को लाइनमा रहेका सिंहको जन्ममितिमा कैफियत देखिएपछि राजीनामा दिनुपरेको थियो ।&...
भैहवाबाट झण्डै २० किलोमिटर पश्चिममा छ रुपन्देहीको सियारी–५ मा बैदौली गाउँ । सोही गाउँकी ३३ वर्षीया सावित्रा खरेल खनाल आमा बन्ने खुसीको मुखैमा थिइन् । विवाह गरेको दुई वर्ष मात्रै पुग्नै लाग्दा सावित्रा आम...
हामी १५औं अन्त्य गरेर १६औं योजनाको तयारीमा जाँदै छौं । दलका शीर्ष नेताबीच १६औं योजनाको विषयमा छलफल भएको छ । १५औं योजनाको असफलता र नमिलेका कुरालाई १६औं मा सुधार्छौं । हाम्रो गन्तव्य कहाँ हो भन्ने संविधानले ...
सच्चा लोकतन्त्रमा सिमान्तमा रहेको नागरिकले पनि यो देश मेरो हो भन्ने अनुभूति गर्न सक्नेछ- माहात्मा गान्धी । माथि गान्धीको भनाइ किन उद्धृत गरिएको हो भने नयाँ वर्षको आगमन भैसकेको छ र २०८० को बिदाइ बडो हर्षपूर्वक...
एक दिन काम विशेषले नयाँ सडकतिर गएको थिएँ, मोबाइल टिङटिङ गर्यो । हेरेँ पुराना मित्र जयदेव भट्टराई, सम्पादक मधुपर्क (हाल अवकाश प्राप्त) ले सम्झेका रहेछन् । हामी दुई लामो समयसम्म सँगै रह्यौँ, कहिले गोरखापत्र...