म्यानचेस्टर सिटीका बेल्जियन मिडफिल्डर केभिन डी ब्रुइना झण्डै ३ महिना मैदान बाहिर रहने भएका छन् ।

अभ्यासका क्रममा घुँडामा चोट लागेपछि उनी ३ महिनाका लागि टीममा उपलब्ध नहुने भएका हुन् ।

डी ब्रुइना बैशाखीको साहारामा हिँडेको तस्वीर बुधबार सार्वजनिक भएको थियो ।

उनी उपचारका लागि बार्सिलोना प्रस्थान गरेका छन् । डा. रामोन कुगातले उनको उपचार गर्नेछन् ।

म्यानचेस्टर सिटीका प्रशिक्षक पेप ग्वार्डिओलाले निकै विश्वास गर्ने यी डाक्टरले यसअघि बेन्जामिन मेन्दीसहित सिटीका अन्य प्लेयरहरूको ट्रिटमेन्ट समेत गरिसकेका छन् ।

डी ब्रुइनाले टोटनह्याम हट्सपर, लिभरपूलजस्ता ठूला प्रतिद्वन्द्वीविरुद्धको खेल समेत गुमाउने छन् ।

त्यसअघि ६ सातासम्म सिटीले तुलनात्मकरूपमा सहज प्रतिद्वन्द्वीको सामना गर्नेछ ।