×

NMB BANK
NIC ASIA

सिँगारिँदै जनकपुरधाम : प्रधानमन्त्री ओलीको भव्य स्वागत गर्ने तयारी

भदौ १, २०७५

NTC
Sarbottam
Premier Steels
Marvel

जनकपुरधाम– प्रधानमन्त्री केपी शर्मा ओलीसँग संविधान घोषणाका क्रममा मधेशसँग तिक्ततापूर्ण सम्बन्ध थियो । मधेशका नेताले ओलीलाई सर्वाधिक आलोचना गर्थे ।

Sagarmatha Cement
Muktinath Bank

ओली प्रधानमन्त्री भएपछि मधेशसँग सम्बन्ध सुधार हुँदै गएको देखिएको छ । त्यसको संकेत दिने गरी २ नम्बर प्रदेशको अस्थायी राजधानी जनकपुरधाममा प्रधानमन्त्री ओलीलाई स्वागत गर्न भव्य तयारी भइरहेको छ ।


Advertisment
RMC TANSEN
IME BANK INNEWS
shivam ISLAND

प्रधानमन्त्री केपी शर्मा ओलीलाई भव्य स्वागत गर्न २ नम्बर प्रदेश सरकार र प्रदेशसभा अत्यन्तै उत्साहित देखिएका छन् । शनिवार प्रधानमन्त्री ओलीले प्रदेशसभा बैठकमा सम्बोधन गर्ने कार्यक्रम तय भएको छ । प्रधानमन्त्री ओली शनिवार बिहान सवा १० बजे हेलिकप्टरमार्फत् काठमाडौंबाट जनकपुरधाम आउने कार्यक्रम तय भएको छ । ११ बजे जनकपुरमा प्रदेशसभा बैठकमा प्रधानमन्त्री ओलीले सम्बोधन गर्ने कार्यक्रम छ ।


Advertisment
Nabil box
Kumari

साउन ३० गते मुख्यमन्त्री लालबाबु राउतले प्रदेशसभा सचिवालयलाई औपचारिक रूपमा पत्र पठाएर भदौ २ गते प्रधानमन्त्री ओलीले प्रदेशसभा बैठकमा विशेष सम्बोधन गर्ने कार्यक्रम तय भएको जानकारी गराएका थिए ।

Vianet communication
Laxmi Bank

प्रधानमन्त्री तथा मन्त्रिपरिषद्को कार्यालयबाट पत्र प्राप्त भएकाले सोही अनुसार आवश्यक कार्यार्थ र अवगतार्थ पत्र संलग्न गरी पठाएपछि प्रदेश सभाले आवश्यक तयारी गरिरहेको छ ।

मुख्यमन्त्री राउतले लोकान्तरसँग संक्षिप्त कुराकानी गर्दै भने, ‘प्रदेश सरकारकै प्रयास स्वरूप प्रधानमन्त्री ओली जनकपुर आउँदै हुनुहुन्छ । उहाँले भोलि प्रदेश सभामा विशेष सम्बोधन गर्नुहुने कार्यक्रम रहेको छ ।’ २ नम्बर अन्य

प्रदेशभन्दा विकासमा धेरै नै पछाडि परेका कारण प्रधानमन्त्रीको सम्बोधनबाट प्रदेशको विकासमा ठूलो मदत पुग्ने अपेक्षा राखेको उनले बताए । ‘उहाँको भ्रमणले प्रदेशका अन्य समस्याहरू पनि समाधान हुने अपेक्षा राखेका छौं,’ उनले भने ।

भ्रमण सफलतापूर्वक सम्पन्न गर्न आवश्यक तयारी पूरा गरिएको उनले बताए । मुख्यमन्त्री राउतले भने, ‘प्रधानमन्त्री ओली ज्यूलाई जनकपुर विमानस्थलमा स्वागत गर्नका लागि म आफैं जाँदैछु । मेरो सरकारका अन्य मन्त्रीहरू पनि जाने छन् ।’

मुख्यमन्त्रीसहित प्रधानमन्त्रीलाई स्वागत गर्न प्रदेशका विभिन्न राजनीतिक दलका संसदीय दलका नेता तथा प्रमुख सचेतक पनि विमानस्थलमा जाने तयारी गरिएको छ ।

प्रदेश सभामा विशेष तयारी 

प्रधानमन्त्री ओलीले प्रदेश सभामा विशेष सम्बोधन गर्ने तयारीका लागि सचिवालयसँगै सभामुख सरोजकुमार यादवले पनि विशेष ध्यान दिएका छन् । प्रदेश सभाले परिसरलाई सिँगार्ने काम थालेको छ ।

माटो सम्याउने, रंगरोगन गर्ने, जनकपुर विमानस्थलदेखि प्रदेशसभा मूलद्वारसम्म करीब ५ वटा स्वागतद्वार बनाएर स्वागत गर्ने तयारी गरिएको सभामुख सरोजकुमार यादवले बताए ।

‘प्रदेशमा प्रधानमन्त्री आफैं आएर सम्बोधन गर्नु भनेको मेरो लागि पनि सौभाग्यको कुरा हो,’ सभामुख यादवले लोकान्तरसँग भने, ‘उहाँको भ्रमणलाई ऐतिहासिक र भव्य बनाउन कुनै कसर बाँकी राख्ने छैनौं ।’ प्रदेश सभामा उनको विशेष सम्बोधनपछि धन्यवाद प्रस्ताव पारित गर्ने कार्यसूची तय भएको उनले बताए ।

प्रधानमन्त्री ओलीको सम्बोधन सकिएलगत्तै उनलाई मिथिला भोजन गराउने प्रबन्ध समेत सचिवालयले मिलाएको सभामुख यादवले बताए । ‘दाल, भात, विभिन्न प्रकारका तरकारी, तरुवा, करी–बरी, दही, जनकपुरको विशेष माछा आदि परिकारको मिथिला भोजन गराउने तयारी गरेका छौं,’ सभामुख यादवले भने, ‘उहाँको भ्रमणलाई स्मरणीय बनाउनकै लागि मिथिला भोजनको प्रबन्ध मिलाइएको छ, जाने बेला उहाँलाई मिथिलाको पान खुवाएर बिदाइ गर्ने तयारी गरेका छौं ।’

प्रदेश अत्यन्तै गरीब रहेकाले प्रधानमन्त्री ओलीको भ्रमणबाट विकासका लागि विशेष प्याकेजको घोषणा गरुन् भन्ने आफ्नो चाहना समेत रहेको उनले बताए । प्रधानमन्त्री ओलीसँगै संघीय सरकारका उपप्रधानमन्त्री तथा स्वास्थ्यमन्त्री उपेन्द्र यादव, भौतिक पूर्वाधार मन्त्री रघुबीर महासेठ, शिक्षामन्त्री गिरिराजमणि पोखरेल, उद्योग वाणिज्य तथा आपूर्ति मन्त्री मातृकाप्रसाद यादव समेत सदनमा उपस्थित रहने जानकारी प्राप्त भएको सभामुख यादवले बताए ।

२ नम्बर प्रदेशका कतिपय संघीय सांसद समेत आउने हुनाले त्यस अनुसार नै सदनमा बस्ने व्यवस्था मिलाइएको उनले बताए ।
 

hAMROPATRO BELOW NEWS
TATA Below
कात्तिक २२, २०८०

दशैं वरिपरि मुलुकमा केही राजनीतिक परिदृश्यहरू देखिए । दशैंको रौनकसँगै पूर्वमा कोशीको छालले केही तरंग ल्यायो । कोशी प्रदेशमा कांग्रेसभित्रको ‘अर्ध विद्रोह’ले पाँच दलीय गठबन्धनमात्रै धर्मराएन, कांग्र...

कात्तिक २०, २०८०

नेकपा एमालेको भ्रातृ संगठन राष्ट्रिय युवा संघ नेपाल लुम्बिनी प्रदेश कमिटीको अध्यक्षमा रुपन्देही देवदहका सुरज खरेल निर्विरोध निर्वाचित भएका छन् । प्रथम अधिवेशनबाट उनी अध्यक्ष पदमा सर्वसम्मत निर्वाचित भएका हुन् । ...

मंसिर ६, २०८०

मेडिकल व्यवसायी दुर्गा प्रसाईं र नेकपा (एमाले)का नेता महेश बस्नेतले काठमाडौं उपत्यकामा बिहीवार छुट्टाछुट्टै प्रदर्शन गर्ने भएपछि सुरक्षा निकायहरू यतिबेला ‘हाई अलर्ट’मा छन् ।  नेपाल प्रहरीले प्...

फागुन २८, २०७९

जसपाबाट उपराष्ट्रपतिमा रामसहाय यादवको उम्मेदवारी कायम भएको छ।  सत्ता गठबनधनको तर्फबाट उपराष्ट्रपतिको उम्मेदवार बनाइएका जसपा नेता रामसहाय प्रसाद यादवको उम्मेदवारी निर्वाचन आयोगले कायमै राख्ने ...

कात्तिक १८, २०८०

नेकपा (एकीकृत समाजवादी)का अध्यक्ष माधवकुमार नेपालले कोशी प्रदेशमा सर्वदलीय सरकारको आवश्यकता रहेको बताएका छन् ।  विराटनगर विमानस्थलमा शनिवार सञ्चारकर्मीहरूसँग कुराकानी गर्दै पूर्वप्रधानमन्त्रीसमेत रहेका न...

मंसिर १५, २०८०

नेपाली कांग्रेसका केन्द्रीय सदस्य डा. चन्द्र भण्डारीले समस्त कांग्रेसजन र नेपाली जनताले डा. शेखर कोइरालालाई एक पटक कांग्रेस सभापति भएको हेर्न चाहेको बताएका छन् । कोइराला वर्तमान र भविष्य हेर्न सक्ने नेता भएको उ...

अपराजित जनयुद्धको पराजित कथा

अपराजित जनयुद्धको पराजित कथा

चैत १४, २०८०

सामान्यतः मानव समाजको आजसम्मको इतिहास जनयुद्धको इतिहास हो भन्दा फरक पर्दैन । किनकि, समयका प्रत्येक खण्डमा चाहे ती स्पाटाहरू होउन् या चार्टिष्टियन, सिलेसियाली होउन् या कम्युनाडोहरू अनि वोल्सेभिक–भियतकङ्&ndash...

निर्मोही राज्य र युगीन अवतारको प्रतीक्षामा नेपाली समाज

निर्मोही राज्य र युगीन अवतारको प्रतीक्षामा नेपाली समाज

चैत १२, २०८०

रूढिवादी र पछौटे समाजले सधैँभरि अवतारको प्रतीक्षा गर्दछ । प्रतीक्षा गर्नेले आफू केही पनि कर्म गर्दैन र उसलाई पौरखमा त्यति विश्वास पनि हुँदैन ।  सामान्यतया व्यक्तिगत जीवनमा भाग्य र सामाजिक जीवनमा अवतारको प्रत...

सत्यको खोजी

सत्यको खोजी

चैत १०, २०८०

कसैले आएर सत्य भनेको के हो ? भनेर सोध्यो भने हामी अलमलिन्छौँ । कसैले केही भनौँला कसैले केही । अझ कसैले त सत्य भनेको सत्य नै हो भन्न पनि बेर लगाउन्नौँ । तर सत्य त्यो मात्र होइन । सत्य भनेको हामी आफैँ हौँ । सत्य...

x