अनलाइन शपिङको क्रेज पछिल्लो समय निकै बढेको छ । मानिसहरू घरमै बसीबसी शपिङ गर्न मन पराउँछन् ।

घरमै बसेर शपिङ गर्ने ध्याउन्नमा चीनकी एक महिलाले नसोचेको चिज डेलिभरी पाइन् ।

चीनको झेझियाङ प्रान्तस्थित सुचाङ निवासी झाङ नामकी महिलाले हेल्थ केयर प्रोडक्ट अर्डर गरेकी थिइन् ।

घरमा सामान डेलिभरी भएपछि उनले प्याकेट खोलिन् । 

प्याकेटबाट अचम्मको गन्ध आइरहेको थियो । खोल्दा त त्यहाँभित्र मसेको गोही र छेपारो रहेछ ।

त्यसमा एउटा ट्याग पनि थियो । त्यसैको सहारामा प्रहरीले यस्तो हुनुको कारण पनि पत्ता लगाएको छ ।

अर्कै व्यक्तिले जीवित गोही र छेपारो अर्डर गरेका रहेछन् । तर गलत ठाउँमा डेलिभरी भयो । डेलिभरीमा लामो समय लगाउँदा दुवै जीव मरेका रहेछन् ।